ناندیڑ:13 نومبر ۔(ورق تازہ نیوز)فی الحال مراٹھواڑ سے ہفتہ میں چھ مرتبہ چلنے والی ناندیڑ ۔اورنگ آباد اسپیشل ٹرین کو مسافروں کی بھرپور حمایت حاصل ہورہی ہے اسلئے اس ٹرےن کومستقل کرنے کاتیقن ساوتھ سنٹرل ریلوے محکمہ کے جنرل مینجر شری گجانن ملیا نے ناندیڑمیں دی۔ناندیڑ میں عوامی نمائندوں کے اجلاس کے ضمن میں وہ ناندیڑ دورہ پر تشریف لائے تھے ۔اس سے قبل مراٹھواڑہ ریلوے مسافر مہاسنگھ کی جانب سے انھیں میمورنڈم پیش کیاگیا ۔اس موقع پر میمورنڈم کے جواب میں اسکی اطلاع دی ۔
اس موقع پر چیف مینجر شیو پرساد ‘ناندیڑ محکمہ کے جنرل مینجر ٹی رامبھا وغیرہ ریلوے کے سینئر افسران موجود تھے ۔مراٹھواڑہ ریلوے مسافر مہاسنگھ کی جانب سے انھیں مختلف اہم مطالبات پر مبنی میمورنڈم پیش کیاگیا ۔راجیہ رانی ایکسپریس کو چھوڑ کر ناندیڑ ۔ممبئی نئی ٹرین کے تعلق سے قطعی فیصلہ کرلیاگیا ہے اور عنقریب نئی ٹرین شروع ہورہی ہے ۔ براہ منماڑ ناندیڑ ۔ پونہ ‘ اکولہ براہ اورنگ آباد ۔ناگپور ‘تروپتی ۔نظام آباد رائیلسیما روزانہ چلنے والی ٹرین نظام آباد سے ناندیڑ تک توسیع دینے کی کوشش کی جارہی ہے ۔اس موقع پر مراٹھواڑہ ریلوے مسافر سنگھ کی جانب سے پربھنی کے رکن پارلیمنٹ سنجے جادھو ‘ ناندیڑ کے رکن پارلیمنٹ پرتاپ پاٹل چکھلی کر ‘ اورنگ آباد کے رکن پارلیمنٹ امتیاز جلیل ‘ہنگولی کے ایم پی ہیمنت پاٹل نے بھی مطالبات پر مبنی میمورنڈم پیش کیا اور مراٹھواڑہ کے ریلوے مسائل پر نمائندگی کرکے کامطالبہ جنرل مینجر سے کیا ۔
اس موقع پر مراٹھواڑہ ریلوے مسافر مہا سنگھ کے ارون میگھ راج ‘ پرنسپل سریش نائیکواڑے ‘ شنتنو ڈوئی پھوڑے ‘ہرشد شاہ ‘ اوماکانت جوشی و کرن چدراوار ‘گوتم ناہٹا ‘ راکیش بھٹ وغیرہ موجود تھے۔ساوتھ سنٹرل ریلوے ناندیڑ ڈویژن حدود کے 11ارکان پارلیمنٹ کو اجلاس کیلئے مدعو کیاگیاتھا ۔ اجلاس کے ابتداءمیں گجانن مالیا نے ساوتھ سنٹرل ریلوے محکمہ کاموں کی تفصیلات سے ارکان پارلیمان کو واقف کروایا ۔ان کاموں میں انسانی خدمت والے ریلوے پھاٹک میں کمی ‘مسافروں کو بہتر سہولیات کی فراہمی ‘ دوہری ریلوے لائن ‘برقیانہ ریلوے لائن ‘نئی لفٹ َ انڈر بریج ریلوے پُل کی تعمیر شامل ہے ۔ اجلاس میں ناندیڑ ڈویژن کے مختلف ریلوے موضوعات پر تبادلہ خیال کیاگیا ۔ جس میں ناندیڑ ۔ممبئی کیلئے سپرسافٹ ایکسپریس ‘ ناندیڑ ۔ پونہ کیلئے نئی ریلوے ‘ ناندیڑتا پنڈھرپور کیلئے براہ عثمان آباد نئی ٹرین ‘ ناندیڑتا باسر ڈیمو ٹرین ‘ناندیڑ۔بیدر نئی ریلوے لائن ‘ اجنٹہ ایکسپریس کے اوقات میں تبدیلی نہ کرنے‘ اکولہ ۔ ہنگولی۔اورنگ آباد نئی ٹرین ‘ برقیانہ ‘اورنگ آباد میں پٹ لائن کی تعمیر ‘اورنگ آباد ۔چالیس گاوں نئی لائن کی تنصیب جیسے مطالبات زیر بحث رہے ۔شری مالیا نے کہا کہ مطالبات کو مکمل کرنے کی پوری کوشش کی جائے گی ۔ اجلاس کے بعد اخباری نمائندوں سے بات چیت کرتے ہوئے کہا کہ ساوتھ سنٹرل ریلوے ناندیڑڈویژن کیلئے کئے جارہے کاموں کی تفصیلات سے واقف کروایااور کہا کہ مدکھیڑ ۔ پربھنی دوہر ی لائن ‘ اکولہ ۔ کھنڈواگیج تبدیلی ‘ناندیڑ ڈویژن کو مکمل برقیانہ بنانا‘ ناندیڑڈ ویژن میں تمام 71 ریلوے اسٹیشنوں پرمفت وائی فائے کی سہولت ‘15 نئے فور لائن پُل ‘ 27 نئے ہائی لیول پلیٹ فارم ‘ 6 اسٹیشن پر 9 نئی لفٹ کی تعمیر اور ناندیڑ تاممبئی اور ناندیڑتا پونہ نئی ٹرینوںکوشروع کرنے کو ترجیح دی جائے گی ۔