عوام نے ہمیں مہاراشٹر کی حفاظت کے لیے ووٹ دیا، ہم بی جے پی حکومت نہیں بننے دیں گے: حسین دلوائی
کانگریس لیڈر حسین دلوائی نے آج مہاراشٹر میں سیاسی ہلچل کے درمیان ایک بڑا بیان دیا ہے۔ انھوں نے کہا ہے کہ سبھی کانگریس اراکین اسمبلی متحد ہیں اور کوئی بھی پارٹی چھوڑ کر نہیں جانے والا۔ انھوں نے ساتھ ہی یہ بھی کہا کہ سبھی اراکین اسمبلی پارٹی اعلیٰ کمان کی ہدایات پر عمل کر رہے ہیں اور آگے بھی کریں گے۔ ہم بی جے پی حکومت ریاست میں نہیں بننے دیں گے۔
حسین دلوائی نے میڈیا سے بات چیت کرتے ہوئے این سی پی کے تعلق سے کہا کہ ’’این سی پی ہماری اتحادی پارٹی ہے، وہ ہمارے ساتھ ہیں۔ عوام نے ہمیں مہاراشٹر کی حفاظت کے لیے ووٹ دیا ہے اور ہم اپنی ذمہ داری سمجھتے ہیں۔‘‘
Husain Dalwai,Congress: All Congress MLAs are together. No MLA will break away from the party. MLAs will follow what party high command says. We'll not allow BJP to form the government in the state. NCP is our ally, they are with us. People have voted for us to save Maharashtra. pic.twitter.com/ZahAt7stCz
— ANI (@ANI) November 8, 2019
بی جے پی-شیوسینا میں رسہ کشی جاری، خرید و فروخت کے خوف سے شیوسینا ایم ایل اے ہوٹل میں بند!
مہاراشٹر میں سیاسی اتھل پتھل جاری ہے اور بی جے پی و شیوسینا میں سے کوئی بھی اپنے مطالبات سے پیچھے ہٹنے کے لیے تیار نہیں ہے۔ اس درمیان شیوسینا نے اپنے اراکین اسمبلی کو رنگ شاردا ہوٹل میں جمع کیا ہے اور سب دو دن تک یہیں ٹھہریں گے۔ ایسا اراکین اسمبلی کی خرید و فروخت سے بچنے کے لیے کیا گیا ہے۔ دوسری طرف این سی پی سربراہ شرد پوار نے ابھی تک پتے صاف نہیں کیے ہیں اور سیاسی ماحول پر گہرائی کے ساتھ نظریں جمائے ہوئے ہیں۔ سیاسی ماہرین کا ماننا ہے کہ مہاراشٹر میں اب اونٹ کسی بھی کروٹ بیٹھ سکتا ہے۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-