نئی دہلی: بابائے قوم مہاتما گاندھی کی 150ویں سالگرہ کے موقع پر 2 اکتوبر کو ملک کے فنکار اور ادیب اپنی اپنی تخلیقی خراج عقیدت پیش کریں گے اور قومی تعمیر میں ان کی خدمات کا ذکر کریں گے۔ للت کلا اکیڈمی، سنگیت ناٹک اکیڈمی اور ساہتیہ اکیڈمی بدھ کو کئی پروگرام منعقد کررہی ہیں۔ للت کلا اکیڈمی ملک کے سو سے زیادہ فنکاروں کی 150تخلیقات پیش کرنے جارہی ہیں جس کا افتتاح دہلی کے لفٹننٹ گورنر انل بیجیل کریں گے۔
اس میں پدم بھوشن کے اعزاز سے سرفرازسنگ تراش کے گاندھی پر بنائے گئے 4 مجسمے شامل کیے گئے ہیں۔ 94ویں سالہ رام ستار نے اب تک گاندھی جی پر 350 مجسمے بنائے گئے ہیں جو ملک وبیرون ملک نصب کیے گئے ہیں۔ انہوں نے گزشتہ دنوں سردار پٹیل کی سب سے اونچی مورتی بھی بنائی تھی۔
للت کلا اکیڈمی کے چیئرمین ڈاکٹر اتم پاچارنا نے نامہ نگاروں کو بتایا کہ نمائش کا انعقاد سر جے جے اسکول آف آرٹ، ممبئی اور پروگیسیو آرٹ گیلری کی مدد سے کیا جارہا ہے اس میں مجسموں کے علاوہ پینٹنگ، ڈرائنگ پرنٹ سیریمک کے علاوہ نایاب تصاویر بھی ہوں گی۔ انہوں نےبتایا کہ 2 اکتوبر کو نمائش کے ساتھ ساتھ ایک ورکشاپ کا بھی انعقاد کیاگیا ہے جس میں تقریباً100 فنکار بھی شرکت کریں گے۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-