نئی دہلی: وزیر اعظم نریندر مودی نے سابق وزیر اعظم چودھری چرن سنگھ کی سالگرہ پر پیر کو انہیں خراج عقیدت پیش کرتے ہوئے حاشیے پر رہنے والے کسانوں کو با اختیار بنانے کے لئے کام کرنے میں ان کے کردار کی تعریف کی۔
Remembering Chaudhary Charan Singh Ji on his Jayanti. Unwavering when it came to safeguarding the rights of hardworking farmers, Charan Singh Ji also worked tirelessly for the empowerment of the marginalised. He was at the forefront of strengthening India’s democratic fabric.
— Narendra Modi (@narendramodi) December 23, 2019
مودی نے آنجہانی چودھری چرن سنگھ کو یاد کرتے ہوئے ٹوئٹ کیا ’’چودھری چرن سنگھ جی کو ان کی سالگرہ پر یاد کرتا ہوں۔ جب بھی محنت کش کسانوں کے حقوق کے تحفظ کی بات آئی تو چودھری چرن سنگھ جی نے حاشیے پر رہنے والے کسانوں کو با اختیار بنانے کے لئے انتھک کوششیں کی۔ وہ ہندوستان کے جمہوری تانے بانے کو مضبوط کرنے میں سب سے آگے تھے‘‘۔
انگریزوں کی جانب سے دو مرتبہ جیل بھیجے گئے چودھری چرن سنگھ ہندوستان کے پانچویں وزیر اعظم تھے اور کسانوں کے مفادات کے لئے کام کرنے والے لیڈر کے طور پر جانے جاتے ہیں۔ چودھری چرن سنگھ کی پیدائش 23 دسمبر 1902 کو ہوئی اور 29 مئی 1987 کو ان کا انتقال ہو گیا۔ انہوں نے 28 جولائی، 1979 سے 14 جنوری 1980 کے درمیان وزیر اعظم کے طور پر کام کیا۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-