مدینہ منورہ میں تیز بارشوں کے بعد سیلابی صورتحال، گاڑیاں پانی میں بہہ گئیں : ویڈیو دیکھیں

by

سعودی عرب میں مدینہ منورہ ریجن کی کمشنری العیص میں پیر کو شدید بارش کے بعد وادیوں میں سیلابی صورتحال پیدا ہوگئی۔ الاخباریہ اور سبق نیوز کے مطابق موسمیات کے قومی مرکز نے العیص میں گرج چمک اور طوفانی بارش کی پیشگوئی کے ساتھ الرٹ جاری کیا تھا۔ پیر کی صبح بارش کا سلسلہ شروع ہوا جو بعدازاں طوفانی شکل اختیار کرگیا۔
الاخباریہ کے مطابق بارش سے علاقے کی وادیوں میں سیلاب کیفیت رہی جس سے لوگوں کو مشکلات کا سامنا کرنا پڑا۔

موسلا دھار بارش کے بعد وادیوں سے پانی سڑکوں اور مختلف راستوں پر موجود گاڑیوں اور دیگر چیزوں کو بھی اپنا ساتھ بہا لے گیا۔

ایک ویڈیو وائرل ہے جس میں دیکھا جاسکتا ہے ایک گاڑی سیلابی ریلے میں بہتی جارہی ہے اور بجلی کے کھمبے سے

ٹکرا کر وہاں پھنس گئی۔ سیلابی ریلے درخت بھی بہتے نظر آرہے ہیں۔

مدینہ منورہ اور گرد و نواح میں موسلادھار بارش کے بعد سیلابی صورتحال پیدا ہو گئی ، بارش کا پانی مسجد نبویؐ اورمسجد قبا میں داخل ہو گیا۔

مدینہ منورہ کے برساتی نالوں میں طغیانی سے نشیبی علاقے زیرآب آ گئے ہیں، درجنوں گاڑیاں بارش کے پانی میں پھنس گئیں۔

سعودی محکمہ موسمیات نےآئندہ دو روز تک وقفے وقفے سے بارش کی پیشگوئی کی ہے۔ حکومت نے فلڈ الرٹ جاری کرتے ہوئے شہریوں کو غیر ضروری سفر سے گریز کی ہدایت کی ہے۔

دوسری جانب متحدہ عرب امارات میں ایک بار پھر شدید بارشوں کی پیش گوئی کی گئی ہے۔ اماراتی محکمہ موسمیات کے نمائندے کا کہنا ہے کہ گرج چمک کے ساتھ شدید بارشوں کا امکان ہے جبکہ کچھ مقامات پر اولے بھی پڑ سکتے ہیں۔

شہری دفاع کا کہنا تھا کہ بارش کے بعد بھی لوگ وادیوں اور گھاٹیوں کو عبور کرنے کا خطرہ مول نہ لیں۔

موسمیات کے قومی مرکز کا کہنا ہے العیص میں پیر کو شروع ہونے والی بارش کا سلسلہ دوپہر بارہ بجے سے شروع ہوا جو رات گئے تک جاری رہا۔

علاوہ ازیں العیص کمشنری میں پیر کو ہونے والی بارش کی تصاویر اور ویڈیوز بھی سوشل میڈیا پر وائرل ہیں۔

Discover more from ورق تازہ

Subscribe now to keep reading and get access to the full archive.

Continue reading