وزیر اعلیٰ میری لاڈکی بہن یوجنا کے تحت فائدہ حاصل کرنے والی تمام خواتین کے لیے اب ای-کے وائی سی (e-KYC) کرنا لازمی قرار دیا گیا ہے۔ خواتین و اطفال بہبود کی وزیر آدتی تتکرے نے اس بارے میں تفصیل سے معلومات دی ہیں۔
👉 ای-کے وائی سی کیوں ضروری ہے؟
اس اسکیم میں کچھ خواتین نے اصولوں کی خلاف ورزی کرتے ہوئے فائدہ اٹھایا تھا۔نااہل خواتین کے نام فہرست سے نکالے جا رہے ہیں۔
آئندہ صرف مستحق اور حقدار خواتین کو ہی فائدہ ملے، اسی مقصد سے حکومت نے e-KYC لازمی کیا ہے۔
👉 ای-کے وائی سی کرتے وقت ضروری احتیاطیں
1. صحیح دستاویزات جمع کرائیں – آدھار کارڈ اور بینک اکاؤنٹ میں درج معلومات ایک جیسی ہونی چاہئیں۔
2. موبائل نمبر لنک ہو – آدھار کارڈ سے موبائل نمبر جڑا ہونا چاہیے ورنہ OTP کا عمل مکمل نہیں ہوگا۔
3. نام، تاریخ پیدائش اور پتہ اچھی طرح چیک کریں – غلط معلومات دینے پر درخواست مسترد ہوسکتی ہے۔
4. تصویر اور دستخط درست ہوں – تصویر یا دستخط نہ ملنے پر رکاوٹ آسکتی ہے۔
5. آن لائن عمل احتیاط سے مکمل کریں – درمیان میں عمل ادھورا نہ چھوڑیں۔
👉 خطرہ کیا ہے؟
اگر e-KYC کے دوران کوئی غلطی ہوئی یا معلومات درست درج نہ کی گئیں تو آپ کا نام براہِ راست مستفید خواتین کی فہرست سے خارج کیا جاسکتا ہے۔
➡️ اس لیے تمام خواتین سے گزارش ہے کہ درست کاغذات اور معلومات فراہم کرکے جلد از جلد اپنی e-KYC مکمل کریں۔