پاکستان کی پانچویں کامیابی، کپتان ولیمسن 41 رن بنا کر آؤٹ
نیوزی لینڈ کا اسکور 23 اوور کے بعد 76/4، شاہین نے لئے 3 وکٹ
چار وکٹ گر جانے کے بعد کپتان کین ولیمسن اور جیمس نیشم نے نیوزی لینڈ کی اننگ کو سنبھالا ہے۔ ولیمسن 63 گیندوں میں 39 رن پر جبیہ نیشم 35 گیندوں میں 15 رن پر کھیل رہے ہیں۔
نیوزی لینڈ کا اسکور فی الحال 23 اوور ختم ہونے کے بعد 4 وکٹ کے نقصان پر 76 ہے۔
عالمی کپ: نیوزی لینڈ کو چوتھا نقصان، شاہین کا تیسرا شکار، اسکور 46/4
شاہین آفریدی کی طرف سے شاندار گیندبازی کا مظاہرہ جاری ہے اور وہ اب تک نیوزی لینڈ کے 3 کھلاڑیوں کو اپنا شکار بنا چکے ہیں۔ نیوزی لینڈ کا چوتھا وکٹ ٹام لاتھم کے طور پر گرا انہوں نے محض ایک رن کا تعاون کیا۔ لاتھم نے بغیر قدموں کا استعمال کئے شاہین کی گیند کو کھیلنا چاہا اور بلے کا کنارہ دے بیٹھے۔ سرفراز نے اس مرتبہ وکٹ کے پیچھے ایک آسان سا کیچ لیا اور پاکستان اس میچ میں مضبوط پوزیشن میں پہنچ گیا ہے۔
شاہین آفریدی نے اب تک 6 اوور پھینکے ہیں اور محض 9 رن دے کر 3 وکٹ حاصل کر لئے ہیں۔ انہوں نے 3 اوور میڈن پھینکے ہیں۔ اس کے علاوہ محمد عامر نے 4 اوور میں 23 رن دے کر ایک وکٹ حاصل کیا ہے۔
فی الحال 13 اوور کے اختتام پر نیوزی لینڈ کا اسکور 4 وکٹ کے نقصان پر 46 رن ہے۔ جیمس نیشم نئے بلے باز کے طور پر میدان پر پہنچے ہیں جبکہ کپتان کین ولیمسن 23 رن بنا کر کریز پر موجود ہیں۔
عالمی کپ: نیوزی لینڈ کو تیسرا نقصان، شاہین کا دوسرا شکار، اسکور 38/3
شاہین آفریدی نے شاندار گیندبازی کا مظاہرہ کرتے ہوئے روس ٹیلر کے طور نیوزی لینڈ کے تیسرے کھلاڑی کو آؤٹ کر دیا۔ یہ شاہین کا دوسرا شکار تھا۔ روس ٹیلر نے شاہین کی گڈ لینتھ گیند پر بیک فٹ پر جاکر ڈفینس کرنے کی کوشش کی لیکن گیند بلے کو چھوکر گزر گئی اور وکٹ کیپر کپتان سرفراز احمد نے اپنے دائیں جانب ڈائیو لگا کر ایک ہاتھ سے شاندار کیچ لینے میں کوئی چوک نہیں کی۔ سرفراز کا یہ کیچ ٹورنامنٹ کے شاندار کیچوں میں شمار کیا جائے گا۔
فی الحال 10 اوور کے اختتام پر نیوزی لینڈ کا اسکور 44 رن ہے۔ روس ٹیلر کے آؤٹ ہونے کے بعد ٹام لاتھم نئے بلے باز کے طور پر میدان پر پہنچے ہیں جبکہ کپتان کین ولیمسن 21 رن بنا کر کریز پر موجود ہیں۔
نیوزی لینڈ کو شاہین نے دیا دوسرا جھٹکا، منرو 12 رن بنا کر آؤٹ
تیز گیند باز شاہین آفریدی نے نیوزی لینڈ کے دوسرے سلامی بلے باز کولن منرو کو 12 کے نجی اسکور پر حارث سہیل کے ہاتھوں کیچ آؤٹ کراکر پاکستان کو دوسری کامیابی دلائی۔
شاہین آفریدی نے ایک شاندار گیند پھینکی جس پر منرو کے بلے کا کنارہ لگا اور گیند پہلی سلپ میں کھڑے حارث سہیل کے ہاتھوں میں چلی گئی۔
فی الحال 7 اوور کے اختتام پر نیوزی لینڈ کا اسکور 2 وکٹ کے نقصان پر 24 رن ہے۔ منرو کے آؤٹ ہونے کے بعد روس ٹیلر نئے بلے باز کے طور پر میدان میں پہنچے ہیں جبکہ کپتان کین ولیمسن 6 رن بنا کر کریز پر موجود ہیں۔
پاکستان کو عامر نے دلائی پہلی کامیابی، گپٹل 5 رن پر آؤٹ
محمد عامر نے میچ کے دوسرے اور اپنے پہلے ہی اوور میں پاکستان کو پہلی کامیابی دلا دی ہے۔ انہوں نے نیوزی لینڈ کے سلامی بلے باز مارٹن گپٹل کو 5 رن پر شاندار طریقے سے بولڈ کر کے پویلین واپس بھیج دیا۔
فی الحال 2 اوور کے اختتام پر نیوزی لینڈ کا اسکور ایک وکٹ کے نقصان پر 6 رن ہے۔ نئے بلے باز کے طور پر کپتان کین ولیمسن میدان پر پہنچے ہیں۔ جبکہ ان کے ساتھ دوسرے سلامی بلے باز کولن منرو کریز پر موجود ہیں۔
BOWLED HIM!
Amir strikes with his first ball!
New Zealand are 5/1 after just seven deliveries.#CWC19 | #NZvPAK pic.twitter.com/AEnvqxkOBU
— Cricket World Cup (@cricketworldcup) June 26, 2019
ٹاس جیت کر نیوی لینڈ کا پہلے بلے بازی کا فیصلہ
عالمی کپ میں نیوزی لینڈ نے پاکستان کے خلاف ٹاس جیت لیا ہے اور پہلے بلے بازی کرنے کا فیصلہ کیا ہے۔ نیوزی لینڈ اگر یہ میچ جیت جاتا ہے تو وہ سیمی فائنل میں مقام حاصل کر لے گا جبکہ پاکستان کو سیمی فائنل کے سفر کے لئے اپنی امیدیں برقرار رکھنی ہیں تو اسے یہ میچ ہر حال میں جیتنا ہوگا۔
New Zealand win the toss and bat will first at Edgbaston!
Despite the delayed start, no overs have been lost. #CWC19 | #NZvPAK pic.twitter.com/pH5Fhvbz5k
— Cricket World Cup (@cricketworldcup) June 26, 2019
اس میچ کے لئے دنوں ٹیموں نے کوئی تبدیلی نہیں کی ہے۔
ٹیمیں اس طرح ہیں
پاکستان: سرفراز خان (وکٹ کیپر، کپتان)، فخرالزماں، امام الحق، بابر اعظم، محمد حفیظ، حارث سہیل، شاداب خان، عماد وسیم، شاہین آفریدی، وہاب ریاض، محمد عامر۔
نیوزی لینڈ: مارٹن گپٹل، کولن منرو، کین ولیمسن (کپتان)، روس ٹیلر، ٹام لاتھم، جمی نیشم، کولن ڈی گرانڈہوم، میٹ ہینری، لاکی فرگیوسن، مشیکل سینٹنر، ٹرینڈ بولٹ۔
Playing XI for today.#NZvPAK Live Updates: https://t.co/NoiKxqozt7#CWC19 #WeHaveWeWill pic.twitter.com/QvxfTpFcZk
— Pakistan Cricket (@TheRealPCB) June 26, 2019
عالمی کپ: میدان گیلا ہونے کی وجہ سے پاکستان-نیوزی لینڈ میچ کے ٹاس میں تاخیر
لندن: عالمی کپ 2019 میں پاکستان کے لئے ’کرو یا مرو‘ اور نیوزی لینڈ کے لئے سیمی فائنل کی راہ ہموار کرنے کے موقع والے میچ میں شروع ہونے سے قبل ہی بارش نے اپنا کھیل دکھا دیا ہے۔ یہاں ایج بیسٹن کے میدان پر پِچ گیلا ہونے کی وجہ سے اس میچ کے ٹاس میں بھی تاخیر ہو گئی ہے۔
سیمی فائنل میں پہنچے کے لئے پاکستان کو اب اپنے بقیہ تمام میچوں کو جیتنا ہوگا۔ پاکستان نے اپنے گزشتہ مقابلہ میں جنوبی افریقہ کو شکست دی تھی۔ ادھر نیوزی لینڈ کی ٹیم اب تک اس ٹورنامنٹ میں ایک بھی میچ نہیں ہاری ہے۔ اپنے گزشتہ میچ میں اس نے ویسٹ انڈیز کو ہرایا تھا۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-