عالمی کپ LIVE: سری لنکا کی خراب شروعات، 72 رن پر تین کھلاڑی آؤٹ

سری لنکا کی خراب شروعات، 72 رن پر تین کھلاڑی آؤٹ

ٹاس ہار کر پہلے بلے بازی کرنے کے لئے اتری سری لنکائی ٹیم کی شروعات بے حد خراب رہی۔ میچ کی سب سے پہلے گیند پر سلامی بلے باز اور کپتان دیمتھ کرونارتنے کے طور پر سری لنکا کو پہلا نقصان ہوا۔ انہیں کاگسو رباڈا کی گیند پر کپتان فاف ڈو پلیسی نے لپکا۔ کرونارتنے کے کوئی رن نہیں بنایا۔

سری لنکا کو دوسرا جھٹکا اویشکا فرنانڈو (30 رن) کے طور پر لگا انہیں اور 67 کے مجموعی اسکور پر ڈوائن پریٹوریس نے کپتان فاف ڈو پلیسی کے ہاتھوں کیچ کراکر پویلین واپس بھیجا۔

کشل پریرا (30 رن) کے طور پر سری لنکا کو تیسرا جھٹکا لگا۔ انہیں 72 کے مجموعی اسکور پر ڈوائن پریٹوریس نے شاندار طریقہ سے بولڈ کر دیا۔

فی الحال 14 اوور ختم ہونے کے بعد سری لنکا کا اسکور 3 وکٹ کے نقصان پر 77 رن ہے۔ کشل مینڈس 6 رن بنا کر کھیل رہے ہیں جبکہ نئے بلے باز کے طور پر اینجلو میتھیوز کریز پر پہنچے ہیں انہوں نے ایک رن بنا لیا ہے۔

عالمی کپ: جنوبی افریقہ کی ٹاس جیت کر سری لنکا کو بلے بازی کی دعوت

چیسٹر لی اسٹریٹ: جنوبی افریقہ کے کپتان فاف ڈو پلیسی نے ریورسائیڈ اسٹیدیم میں سری لنکا کے خلاف جاری آئی سی سی عالمی کپ 2019 کے میچ میں ٹاس جیت کر پہلے گیندبازی کرنے کا فیصلہ کیا۔ سیمی فائنل کی ریس سے باہر ہو چکی جنوبی افریقہ نے پلیئنگ الیون میں دو تبدیلیاں کی ہیں۔ لنگی نگیدی اور ڈیوڈ میلر کے مقام پر ڈویان پریٹوریس اور جیاں پال ڈیومنی کو موقع فراہم کیا گیاہے۔

ادھر سری لنکا کے لئے اس میچ میں نوان پردیپ کے مقام پر سرنگا لکمل کھیلیں گے۔

دونوں ٹیمیں اس طرح ہیں

سری لنکا: دیمتھ کرونارتنے (کپتان)، کشل پریرا (وکٹ کیپر)، اویکا فرنانڈو، کشل مینڈس، اینجلو میتھیوز جیون مینڈس، دھننجے ڈی سلوا، اسورو ادانا، تھسارا پریرا، سرنگا لکمل اور لستھ ملنگا۔

جنوبی افریقہ: کوئنٹن ڈی کاک (وکٹ کیپر)، فاف ڈو پلیسی (کپتان)، ہاشم آملہ، ایڈن مارکرام، راسی وین ڈیر ڈوسین، جیاں پال ڈیومنی، کاگسو رباڈا، ڈویان پریٹوریس، عمران طاہر، آندیلے فیلوکوایو اور کرس مورس۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-