عالمی کپ LIVE: سری لنکا نے ویسٹ انڈیز کے سامنے جیت کے لیے رکھا 339 رنوں کا ہدف

by

سری لنکائی بلے بازوں کی بہترین کارکردگی، ویسٹ انڈیز کو جیت کے لیے چاہیے 339 رن

سری لنکا نے ویسٹ انڈیز کے خلاف پہلے بلے بازی کرتے ہوئے 50 اوور میں 338 رن بنائے اور اس کے 6 وکٹ آؤٹ ہوئے۔ اب ویسٹ انڈیز کو جیت کے لیے 339 رن بنانے ہوں گے۔ رنوں کا یہ پہاڑ حاصل کرنا ویسٹ انڈیز کے لیے مشکل نظر آ رہا ہے لیکن کرس گیل اگر کچھ کارنامہ کر جائیں تو پھر ناممکن کچھ بھی نہیں۔ ویسے سری لنکا کو یہ میچ جیتنا بہت ضروری ہے تاکہ وہ ٹورنامنٹ میں برقرار رہے۔ ویسٹ انڈیز پہلے ہی ٹورنامنٹ سے باہر ہو چکی ہے۔

سری لنکا کا چھٹا وکٹ آؤٹ، 49 اوور میں اسکور 327/6

سری لنکا نے آخر کے اووروں میں کچھ وکٹ جلدی جلدی گنوا دیے ہیں۔ اوشکا فرنانڈو جہاں سنچری بنانے کے بعد فوراً آؤٹ ہو گئے وہیں اڈانا بھی محض 3 رن بنا کر آؤٹ ہو گئے۔ تھیرامننے 30 گیند میں 41 رن بنا کر کھیل رہے ہیں۔


اوِشکا فرنانڈو کی شاندار سنچری، 47 اوور میں اسکور 313/4

اوِشکا فرنانڈو کی لاجواب بلے بازی سے سری لنکا 350 کے اسکور کی طرف گامزن ہے۔ 47 اوور میں اسکور 4 وکٹ کے نقصان پر 313 رن ہو چکا ہے۔ فرنانڈو کے ساتھ تھیرامننے بلے بازی کر رہے ہیں جو کہ اس وقت 25 گیندوں میں 32 رن بنا چکے ہیں۔ فرنانڈو نے 102 گیند پر 104 رن بنائے ہیں۔


سری لنکا کا چوتھا وکٹ آؤٹ، 40 اوور کے بعد اسکور 253/4

ویسٹ انڈیز کے کپتان جیسن ہولڈر نے میتھیوز کو بولڈ کر سری لنکا کو چوتھا جھٹکا دیا۔ میتھیوز 20 گیند میں 26 رن بنا کر آؤٹ ہوئے۔ ویسے سری لنکا اس وقت مضبوط پوزیشن میں ہے۔ 40 اوور میں اس کا اسکور 4 وکٹ کے نقصان پر 53 رن ہے۔ سری لنکا بڑے اسکور کی طرف گامزن ہے اور اگر ویسٹ انڈیز کو انھیں 300 کے اندر روکنا ہے تو جلد سے جلد کچھ وکٹوں کی ضرورت ہے۔


کسل مینڈس 39 رن بنا کر ایلن کا بنے شکار

ویسٹ انڈیز کے اسپن گیند باز فیبین ایلن نے بہترین بلے بازی کر رہے کسل مینڈس کو 39 رن پر آؤٹ کر پویلین بھیج دیا۔ انھوں نے مینڈس کا اپنی ہی گیند پر بہترین کیچ پکڑ کر سری لنکا کو تیسرا جھٹکا دیا۔ آج کے میچ میں ایلن کا یہ پہلا وکٹ ہے۔


30 اوور کے بعد سری لنکا کا اسکور 173/2

دونوں اوپنر بلے بازوں کے آؤٹ ہونے کے بعد تیسرے اور چوتھے نمبر کے بلے بازوں اوشکا اور مینڈس نے سری لنکا کو مضبوطی دیتے ہوئے 30 اوور کے بعد اسکور 173 رن پہنچا دیا ہے۔ اوشکا جہاں 32 رن بنا کر کھیل رہے ہیں وہیں مینڈس نے 35 رن بنائے ہیں۔ ویسٹ انڈیز کے گیندباز ان دونوں بلے بازوں کو کسی بھی طرح مشکل میں نہیں ڈال پا رہے ہیں۔

سری لنکا کے دونوں اوپنر بلے باز آؤٹ

سری لنکا کے سلامی بلے باز کرونارتنے اور پریرا ٹیم کو اچھی شروعات دینے کے بعد جلدی جلدی آؤٹ ہو گئے۔ کرونارتنے جہاں 48 گیند میں 32 رن بنا کر جیسن ہولڈر کا شکار بنے، وہیں کسل پریرا 51 گیند میں 64 رن بنا کر رن آؤٹ ہو گئے۔ اس وقت اوشکا اور مینڈس بلے بازی کر رہے ہیں۔

15 اوور میں سری لنکا کا اسکور بغیر کسی نقصان 91 رن

سری لنکا کے سلامی بلے بازوں نے ویسٹ انڈیز کے گیندبازوں کو 15 اوور تک کوئی بھی کامیابی حاصل کرنے کا موقع نہیں دیا ہے۔ کرونا رتنے اور کسل پریرا دونوں ہی بہترین بلے بازی کرتے ہوئے نظر آ رہے ہیں۔ 15 اوور میں ٹیم کا اسکور ان دونوں نے 91 رن پہنچا دیا ہے۔ کرونارتنے 32 اور پریرا 58 رن بنا کر کھیل رہے ہیں۔

سری لنکا کی اچھی شروعات، 10 اوور میں بغیر کسی نقصان 49 رن

ویسٹ انڈیز کے خلاف سری لنکا کے سلامی بلے بازوں نے اچھی کارکردگی کا مظاہرہ کیا ہے۔ پہلے 10 اوور میں کپتان کرونارتنے اور کسل پریرا نے اپنی ٹیم کو کوئی نقصان نہیں ہونے دیا اور 49 رن بھی بٹور لیے۔ ویسٹ انڈیز کی جانب سے اب تک تین تیز گیندبازی گیندبازی کر چکے ہیں، لیکن ابھی تک انھیں کوئی کامیابی نہیں ملی ہے۔

ویسٹ انڈیز نے ٹاس جیت کر سری لنکا کو پہلے بلے بازی کی دعوت دی

ویسٹ انڈیز کے کپتان جیسن ہولڈر نے ٹاس جیت کر سری لنکا کے کپتان کرونارتنے کو پہلے بلے بازی کی دعوت دی ہے۔ آج کا میچ سری لنک کے لیے انتہائی اہمیت کا حامل ہے کیونکہ وہ اگر اس میچ کو ہار جاتی ہے تو ٹورنامنٹ سے باہر ہو جائے گی۔ دوسری طرف ویسٹ انڈیز کی ٹیم پہلے ہی ٹورنامنٹ سے باہر ہو چکی ہے۔ قابل غور بات یہ ہے کہ عالمی کپ میں ویسٹ انڈیز کے خلاف آخری تین میچ سری لنکا نے جیتے ہیں۔ اب دیکھنا یہ ہے کہ آج کے میچ کا نتیجہ کیا رہتا ہے۔


یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-

اپنی رائے یہاں لکھیں

Discover more from ورق تازہ

Subscribe now to keep reading and get access to the full archive.

Continue reading