عالمی کپ LIVE: روہت اور راہل نے دی ہندوستان کو اچھی شروعات، 8 اوور میں اسکور 47/0

روہت شرما اور کے ایل راہل نے ہندوستان کو دی اچھی شروعات

ہندوستانی سلامی بلے باز روہت شرما اور کے ایل راہل نے ٹیم کو اچھی شروعات دیتے ہوئے 8 اوور میں 47 رن بنا لیے ہیں۔ روہت شرما کا حالانکہ ایک کیچ چھوٹ گیا، لیکن وہ اچھی بلے بازی کرتے ہوئے نظر آ رہے ہیں۔ کے ایل راہل نے بھی شروع میں دھیما کھیلا لیکن اب وہ تیزی سے رن بنا رہے ہیں۔

روہت شرما نے پہلے ہی اوور میں لگایا چھکّا

ہندوستان کی طرف سے بلے بازی کرنے کے ایل راہل اور روہت شرما میدان میں اترے ہیں۔ پہلے ہی اوور میں روہت شرما نے اپنا تیور ظاہر کر دیا ہے۔ انھوں نے بنگلہ دیش کے کپتان مشرف مرتضیٰ کی گیند پر چھکّا لگا کر اپنا کھاتہ کھولا۔ پہلے اوور میں 10 رن بنے۔

بنگلہ دیش کے خلاف ہندوستان نے ٹاس جیت کر پہلے بلے بازی کا کیا فیصلہ

ہندوستانی کرکٹ ٹیم کے کپتان وراٹ کوہلی نے ٹاس جیت کر پہلے بلے بازی کا فیصلہ کیا ہے۔ مشرف مرتضیٰ کی قیادت والی بنگلہ دیشی ٹیم کی کوشش ہوگی کہ وہ ہندوستانی ٹیم کو جلد از جلد آؤٹ کرے تاکہ اس مقابلہ کو جیتا جا سکے۔ بنگلہ دیش کے لیے آج کا مقابلہ انتہائی اہم ہے کیونکہ اگر وہ آج ہارتی ہے تو ٹورنامنٹ سے باہر ہو جائے گی۔

رویندر جڈیجہ اور دنیش کارتک کو مل سکتا ہے موقع

آل راؤنڈر کیدار جادھو نے اب تک اس عالمی کپ میں کوئی بہت اچھی کارکردگی کا مظاہرہ نہیں کیا ہے اس لیے ممکن ہے کہ آج بنگلہ دیش کے ساتھ میچ میں انھیں باہر بٹھایا جائے۔ امید کی جا رہی ہے کہ بنگلہ دیش کے خلاف وراٹ کوہلی اور کوچ روی شاستری رویندر جڈیجہ کو موقع دے سکتے ہیں۔ اگر پچ بلے بازی کے لیے مناسب رہی تو ممکن یہ بھی ہے کہ دنیش کارتک کو ٹیم میں جگہ ملے۔ مینک اگروال بنگلہ دیش کے خلاف کھیل پائیں، ایسا کم ہی لگ رہا ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-