بابر اعظم 96 رن بنا کر آؤٹ، پاکستان کو دوسرا نقصان
بابر اعظم کے طور پر پاکستان کو دوسرا جھٹکا لگ چکا ہے۔ انہیں 96 کے نجی اسکور پر سیف الدین نے ایل بی ڈبلیو کر کے پویلین واپس بھیجا۔
فی الحال 32 اوور کے بعد پاکستان کا اسکور 2 وکٹ کے نقصان پر 180 رن ہے۔ نئے بلے باز کے طور پر محمد حفیظ میدان پر پہنچے ہیں جبکہ امام الحق 64 رن پر کریز پر موجود ہیں۔
پاکستان کا اسکور 150 رن کے پار
پاکستانی بلے بازوں نے 25 اوور کے بعد زبردست بلے بازی کا مظاہرہ کرنا شروع کر دیا ہے اور مجموعی اسکور کو 150 رن کے پار پہنچا دیا ہے۔
فی الحال 30 اوور کے بعد پاکستان کا اسکور ایک وکٹ کے نقصان پر 163 رن ہے۔ بابر اعظم 86 رن بنا کر جبکہ امام الحق 57 رن بنا کر کریز پر موجود ہیں۔
بابر اعظم اور امام الحق کی نصف سنچریاں مکمل
بابر اعظم کے بعد امام الحق نے بھی اپنی سنچری مکمل کر لی ہے۔ انہوں نے سنچری مکمل کرنے کے لئے 52 گیندوں کا سامنا کیا اور اپنی اننگ کے دوران 5 چوکے لگائے۔
فی الحال 27 اوور ختم ہو چکے ہیں اور پاکستان کا اسکور ایک وکٹ کے نقصان پر 137 رن ہے۔ بابر اعظم 66 رن بنا کر جبکہ امام الحق 52 رن بنا کر کریز پر موجود ہیں۔
بابر اعظم کی نصف سنچری، پاکستان کا اسکور 100 رن کے پار
ایک وکٹ گر جانے کے بعد پاکستانی بلے بازوں نے سنبھل کر بلے بازی کرتے ہوئے پاکستان کا اسکور 100 رن کے پار پہنچا دیا ہے۔ ون ڈاؤن پر بلے بازی کرنے کے لئے آئے بابر اعظم نے اپنی نصف سنچری مکمل کر لی ہے۔ جبکہ سلامی بلے باز امام الحق ان کا بہتر ساتھ دے رہے ہیں۔
فی الحال 23 اوور ختم ہونے کے بعد پاکستان کا اسکور 108 رن ہے۔ بابر اعظم 52 رن بنا کر جبکہ امام الحق 37 رن بنا کر کریز پر موجود ہیں۔
ایک وکٹ گرنے کے بعد پاکستان کی تحمل بھری بیٹنگ، اسکور 80 کے پار
پہلا وکٹ 23 کے اسکور پر گرنے کے بعد پاکستانی بلے باز تحمل کا مظاہرہ کر رہے ہیں اور اسکور کو 80 کے پار لے گئے ہیں۔ امام الحق 28 رن بنا کر جبکہ بابر اعظم 38 رن بنا کر کریز پر موجود ہیں۔
فی الحال 18 اوور مکمل ہونے کے بعد پاکستان نے ایک وکٹ کے نقصان پر 81 رن بنا لئے ہیں۔
پاکستان کو پہلا نقصان، فخر الزماں 13 رن بنا کر آؤٹ
فخر الزماں کے طور پر پاکستان کا پہلا وکٹ گر گیا ہے۔ انہیں 13 کے نجی اسکور پر محمد سیف الدین نے مہدی حسن کے ہاتھوں کیچ آؤٹ کراکر پویلین واپس بھیجا۔
فی الحال 8 اوور ختم ہونے کے بعد پاکستان کا اسکور ایک وکٹ کے نقصان پر 28 رن ہے۔
عالمی کپ 2019: پاکستان نے 7 اوور میں بنائے 23 رن
ٹاس جیت کر پہلے بلے بازی کرتے ہوئے پاکستان نے 7 اوور میں 23 رن بنا لئے ہیں۔ سلامی بلے باز امام الحق 10 رن بنا کر اور فخر الزماں 13 رن بنا کر کریز پر موجود ہیں۔
عالمی کپ 2019: پاکستان نے ٹاس جیت لیا، پہلے بلے بازی کا فیصلہ
لندن: پاکستان نے لارڈس کے کرکٹ میدان پر جاری آئی سی سی عالمی کپ کے اپنے آخری لیگ میچ میں بنگلہ دیش کے خلاف ٹاس جیت کر پہلے بلے بازی کا فیصلہ کیا ہے۔ یہ دونوں ٹیموں کا آخری میچ ہے۔ بنگلہ دیش اس میچ کے پہلے ہی باہر ہو چکی ہے جبکہ پاکستان کے سامنے اتنا مشکل ترین ہدف ہے کہ اس کے بھی اس میچ کے بعد باہر ہونے کے پورے امکانات ہیں۔
اگر پاکستان نے بنگلہ دیش کو 316 رنوں سے ہرا دیا تو وہ نیوزی لینڈ کو پیچھے کرتے ہوئے سیمی فائنل میں پہنچ سکتی ہے۔
ٹیمیں:
پاکستان: سرفراز احمد (کپتان/وکٹ کیپر)، فخر الزماں، امام الحق، بابر اعظم، محمد حفیظ، حارث سہیل، شاداب خان، عماد وسیم، شاہین آفریدی، وہاب ریاض، محمد عامر۔
بنگلہ دیش: مشرف مرتضیٰ (کپتان)، تمیم اقبال، سومیا سرکار، مستفیض الرحمان، محمد سیف الدین، مہدی حسن، محمود اللہ، محدق حسین، ثابق الحسن، لٹن داس (وکٹ کیپر)، مشفق الرحمان (وکٹ کیپر)۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-