سینئر صحافی ڈاکٹر پرشانت سنکر کو ماحولیاتی تحفظ میں خدمات پر  قومی اور ریاستی اعزازات سے نوازا گیا

سینئر صحافی ڈاکٹر پرشانت سنکر کو ماحولیاتی تحفظ میں خدمات پر قومی اور ریاستی اعزازات سے نوازا گیا

تھانے (آفتاب شیخ)

سینئر صحافی ڈاکٹر پرشانت ریکھا رویندر سنکر کو ماحولیاتی تحفظ کے شعبے میں نمایاں خدمات کے اعتراف میں قومی اور ریاستی سطح پر دو بڑے اعزازات سے نوازا گیا۔ نئی دہلی کے اویسس ورلڈ ریکارڈ کی جانب سے انہیں "بھارت رتن" ایوارڈ دیا گیا، جبکہ ممبئی میں صحافی وکاس سنگھ کے 16ویں یومِ تاسیس پر انہیں "پی وی ایس ایکسیلنس (بیسٹ رپورٹر)" ایوارڈ سے سرفراز کیا گیا۔
ڈاکٹر پرشانت سنکر نے ممبئی، تھانے، اور پالگھر کے شہری، دیہی، اور قبائلی علاقوں میں پانی اور ماحولیات کے حوالے سے عوامی شعور بیدار کرنے میں کلیدی کردار ادا کیا ہے۔ ان کی ان غیر معمولی خدمات کو حکومتی اور بین الاقوامی سطح پر پذیرائی ملی ہے۔
اویسس ورلڈ ریکارڈ کی چیئرپرسن ڈاکٹر سشما نے بتایا کہ ڈاکٹر پرشانت سنکر کو ان کی ماحولیاتی خدمات کے اعتراف میں قومی سطح پر "بھارت رتن" ایوارڈ سے نوازا گیا۔ اسی طرح ممبئی میں صحافی وکاس سنگھ کے زیرِ اہتمام ہونے والے تقریب میں بھی ان کی خدمات کو سراہا گیا اور انہیں "پی وی ایس ایکسیلنس ایوارڈ" دیا گیا۔
ڈاکٹر پرشانت سنکر پہلے بھی کئی اہم ایوارڈز حاصل کر چکے ہیں، جن میں شامل ہیں:
مہاراشٹر حکومت کا شری ایم پرانجے ایوارڈ، نیپال میں منعقدہ بین الاقوامی ماحولیاتی کانفرنس کا ایکو 2013 ایوارڈ، بھارت رتن راجیو گاندھی ماحولیاتی بھوشن ایوارڈ، تھانے میونسپل کارپوریشن کے "تھانے گنیجن" اور "تھانے گورو" اعزازات، ہندوستان نیوز نیٹ ورک کا "نیشنل آئیکون" ایوارڈ، ورلڈ اچیور بک، انڈیا اسٹار ورلڈ ریکارڈ، اور نویا فاؤنڈیشن کے قومی ادبی شریومنی اعزازات۔
ڈاکٹر پرشانت سنکر کی صحافتی خدمات نہ صرف ملکی بلکہ بین الاقوامی سطح پر بھی ان کی نمایاں کامیابیوں کا مظہر ہیں۔ ان کا کام آئندہ نسلوں کے لیے مشعلِ راہ ثابت ہو گا۔