جلگاؤں: 23/ اکتوبر ۔ (ورقِ تازہ نیوز)ایک طرف دسہرہ کا تہوار بس چند گھنٹے ہی رہ گیا ہے اور سونے کی خریداری زوروں پر ہے۔ لیکن دوسری طرف اسرائیل اور حماس کے درمیان جنگ کے پس منظر میں سونے کی قیمت میں اضافہ دیکھا جا رہا ہے اور گزشتہ 36 گھنٹوں کے دوران جلگاؤں سوورن نگری میں خالص سونا 1000 روپے فی تولہ بڑھ گیا ہے۔سونا جو دو روز قبل 60000 روپے کا تھا آج 61000 ہزار روپے تک پہنچ گیا ہے۔ لہذا، صارفین پریشان نظغ آرہے ہیں.اس سال دسہرہ کا تہوار جوش و خروش سے منانے کے آثار نظر آرہے ہیں لیکن دوسری جانب اسرائیل اور حماس کے درمیان جنگ کی وجہ سے بین الاقوامی حساب کتاب بگڑ گیا ہے ۔
اس کا اثر سونے اور چاندی کی قیمتوں پر نظر آرہا ہے۔ ایک طرف دسہرہ کے تہوار کی وجہ سے سونے کی مانگ میں اضافہ ہوا ہے جس کی وجہ سے سونے کی قیمت میں اضافہ ہوا ہے۔ جلگاؤں سوورن نگری میں پچھلے چھتیس گھنٹوں میں خالص سونا ایک ہزار روپے فی تولہ بڑھ گیا ہے۔ سونا جو دو روز قبل 60000 روپے فی تولہ کا تھا آج 61000 روپے تک پہنچ گیا ہے۔کل دسہرہ کا تہوار ہے اور جلگاؤں سمیت ملک بھر میں جس قدر صارفین سونا خرید رہے ہیں، اس سے سونے کی مانگ میں کافی حد تک اضافہ ہوا ہے اور سونا بیچنے والوں کا خیال ہے کہ کل سونے کی قیمت میں مزید اضافہ ہونے کا امکان ہے۔
