نئی دہلی: کانگریس نے مہاراشٹر کیڈر کی انڈین ایڈمنسٹریٹیو سروس (آئی اے ایس) افسر ندھی چودھری کی جانب سے مہاتما گاندھی کے قاتل ناتھو رام گوڈسے کی تعریف کرنے کے خلاف وزیر اعلی دویندر فرنویس سے کارروائی کا مطالبہ کیا ہے۔
کانگریس کے مواصلات محکمہ کے سربراہ رنديپ سنگھ سرجےوالا نے اتوار کے روز ٹویٹ کرکے کہا کہ ’’پہلے بھارتیہ جنتا پارٹی (بی جے پی) کی لیڈر پرگیہ ٹھاکر، پھر پارٹی ممبر اسمبلی اوشا ٹھاکر اور اب مہاراشٹر سے آئی اے ایس افسر ندھی چودھری نے گاندھی جی کے قاتل ناتھو رام گوڈسے کی تعریف کی ہے۔ وزیر اعلی فڑنویس کو فوری طور، آئی اے ایس افسر پر کارروائی کرنی چاہئے۔ باپو کے 150 ویں یوم پیدائش پر بی جے پی گوڈسے کی ستائش کیوں کر رہی ہے؟‘‘
पहले भाजपा सांसद प्रज्ञा ठाकुर, फिर भाजपा विधायक ऊषा ठाकुर और अब महाराष्ट्र से IAS अधिकारी निधी चौधरी ने गांधीजी के हत्यारे नाथूराम गोडसे की प्रशंसा की है।
CM फडणवीस को तत्काल,निधी चौधरी पर कार्यवाही करनी होगी।
बापू की 150वीं जयंती पर भाजपा गोडसे का महिमामंडन क्यों कर रही है? pic.twitter.com/7BR6LeLSZi
— Randeep Singh Surjewala (@rssurjewala) June 2, 2019
ندھی چودھری نے اپنے متنازعہ ٹویٹ میں مہاتما گاندھی کے قتل کی تاریخ کا ذکر کرتے ہوئے ان کے قاتل ناتھو رام گوڈسے کا شکریہ کیا تھا۔ اپنے ٹویٹس میں ندھی نے لکھا کہ ’’150 ویں جينتی کو منانے کے پیچھے کیا مقصد ہو سکتا ہے۔ یہ درست وقت ہے کہ ملک کی کرنسی سے ان کی تصویر ہٹائی جائے اور ان کے اسٹیٹس کو بھی دنیا سے ہٹایا جانا چاہئے۔ اب ہمیں ایک سچی خراج عقیدت پیش کرنے کی ضرورت ہے … شکریہ گوڈسے 30 جنوری 1948کے لئے‘‘۔
– Source بشکریہ قومی آواز بیورو—