بھائی نے بہن کاگلا کاٹ دیا

سمستی پور، 15 دسمبر. (پی ایس آئی) بہار کے سمستی پور ضلع کے پوسا تھانہ علاقے میں ایک طالبہ کے لئے اپنے ہم جماعت طالب علم سے بات کرنا مہنگا پڑ گیا. الزام ہے کہ طالبہ کے بھائی کو ہم جماعت طالب علم سے اپنی بہن کو بات کرنا اتنا ناگوار گزرا کہ اس نے اپنے دوست کی مدد سے بہن کا ہی گلا ریت دیا. زخمی حالت میں طالبہ کو اسپتال میں داخل کرایا گیا ہے، جہاں اس کی حالت نازک بنی ہوئی ہے. پولیس کے مطابق، موہن پور کی رہنے والی طالبہ پاس کے ہی کاشیپور واقع ایک کوچنگ انسٹی ٹیوٹ میں پڑھنے جاتی تھی. وہ اسی کوچنگ میں پڑھنے والے ایک طالب علم سے وہ بات کیا کرتی تھی. دو دن پہلے طالبہ ہم جماعت طالب علم سے بات کر رہی تھی، تبھی طالبہ کا بھائی چھوٹو بھی وہاں پہنچ گیا. گھر آکر چھوٹو نے اپنی بہن کو بہت بھلا برا کہا. یہ سن کر طالبہ ناراض ہوکر اپنی بڑی بہن کے گھر چندولی گاو¿ں چلی گئی. متاثر طالبہ نے پولیس کو بتایا کہ جمعہ کو اس کا بھائی چھوٹو اپنے دوست چندن کے ساتھ چندولی گاو¿ں پہنچا اور اسے موٹر سائیکل سے لے کر اپنے گاو¿ں لوٹنے لگا. الزام ہے کہ راستے میں شری رامپور گاو¿ں کے قریب ایک باغ میں چھوٹو نے موٹر سائیکل روک دی اور چندن کے ساتھ اس کے گردن پر چاقو سے وار کر دیا. طالبہ کے چلانے کی آواز سن کر کھیت میں کام کرنے والے مزدور پہنچ گئے تب دونوں ملزم وہاں سے بھاگ گئے.