اہم خَبر: کشمیر پر ٹرمپ کا دعویٰ صحیح ہے تو پی ایم مودی نے ملک کے ساتھ دھوکہ کیا… راہل

by

کشمیر پر ٹرمپ کا دعویٰ سچ ہے تو پی ایم مودی نے ملک کے مفاد کے ساتھ دھوکہ کیا: راہل گاندھی

کشمیر ایشو پر امریکی صدر کے دعویٰ کے بعد راہل گاندھی نے سخت رد عمل ظاہر کیا ہے۔ انھوں نے ٹوئٹ کر کہا کہ ’’صدر ٹرمپ نے کہا کہ پی ایم مودی نے ان سے کشمیر پر ہندوستان اور پاکستان کے درمیان ثالثی کرنے کو کہا ہے۔ اگر یہ سچ ہے تو پی ایم مودی نے ملک کے مفاد اور 1972 کے شملہ سمجھوتہ کے ساتھ دھوکہ کیا ہے۔ اس معاملے میں ایک کمزور وزارت داخلہ کی تردید سے نہیں بات نہیں بنے گی۔ پی ایم کو ملک کے سامنے آ کر بتانا ہوگا کہ ان کے اور ٹرمپ کے درمیان ہوئی میٹنگ میں کیا ہوا تھا۔‘‘


راجیہ سبھا کی کارروائی 2 بجے تک ملتوی، ٹرمپ کے بیان پر لگاتار ہو رہا ہنگامہ

راجیہ سبھا کی کارروائی ٹرمپ کے بیان پر ہنگامہ کی نذر ہو رہی ہے۔ پہلے تو کارروائی 12 بجے کے لیے ملتوی ہوئی اور پھر یہ کارروائی 2 بجے کے لیے ملتوی ہو گئی۔

ٹرمپ کے بیان پر راجیہ سبھا میں ہنگامہ، کارروائی 12 بجے تک ملتوی

کشمیر معاملہ پر ٹرمپ کے ذریعہ دیے گئے بیان کو کانگریس اراکین پارلیمنٹ نے راجیہ سبھا میں پرزور طریقے سے اٹھایا اور وزیر اعظم نریندر مودی سے اس سلسلے میں صفائی دینے کے لیے کہا۔ کانگریس اراکین پارلیمنٹ کا جواب دیتے ہوئے وزیر خارجہ نے کہا کہ پی ایم مودی نے ٹرمپ سے کشمیر معاملہ پر کوئی بات نہیں کی اور کشمیر کا ایشو ہند-پاک کا دو فریقی ایشو ہے اور اس میں کوئی تیسرا ثالث نہیں۔ وزیر خارجہ نے ایشو کو سیاسی نہ بنائے جانے کی بات بھی کہی۔ ان باتوں کے درمیان راجیہ سبھا چیئرمین اور نائب صدر جمہوریہ نے کانگریس اراکین پارلیمنٹ سے سوال کیا کہ ٹرمپ پر بھروسہ ہے اور حکومت پر نہیں؟ انھوں نے مزید کہا کہ ایسی بحث سے ملک کمزور ہوتا ہے۔ ونکیا نائیڈو کی بات سن کر کانگریس اراکین پارلیمنٹ نے کہا کہ کشمیر پر بیان امریکی صدر نے دیا ہے، کسی وزیر خارجہ یا خارجہ سکریٹری نے نہیں۔ اس لیے ٹرمپ کے بیان پر صفائی بھی پی ایم نریندر مودی کو ہی دینی چاہیے۔

کشمیر معاملہ پر ٹرمپ کے بیان سے تنازعہ، کانگریس نے پیش کیا لوک سبھا میں تحریک التوا

کشمیر معاملہ میں ہندوستان اور پاکستان کے درمیان ثالثی سے متعلق امریکی صدر ڈونالڈ ٹرمپ کے بیان پر تنازعہ بڑھ گیا ہے۔ کانگریس رکن پارلیمنٹ کے سریش اب اس سلسلے میں لوک سبھا میں تحریک التوا کا نوٹس پیش کر دیا ہے۔ واضح رہے کہ ٹرمپ نے کہا تھا کہ پی ایم نریندر مودی نے ان سے کشمیر معاملہ پر ثالثی کے لیے کہا ہے۔

مہاراشٹر: بھیونڈی میں کیمیکل گودام میں زبردست آگ، دمکل کی کئی گاڑیاں موقع پر

مہاراشٹر کے بھیونڈی میں ایک کیمیکل گودام میں زبردست آگ لگ گئی ہے۔ موقع پر دمکل کی کئی گاڑیاں موجود ہیں۔ آگ پر قابو پانے کی کوشش جاری ہے۔ شروعاتی جانکاری کے مطابق آگ دھیرے دھیرے کیمیکل کے ایک گودام سے بڑھتی ہوئی تیسرے گودام تک پہنچ گئی ہے۔


یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-

اپنی رائے یہاں لکھیں

Discover more from ورق تازہ

Subscribe now to keep reading and get access to the full archive.

Continue reading