اہم خَبر: شاہین باغ سے کالندی کنج کی جانب میجنٹا لائن پر میٹرو خدمات بحال

شاہین باغ سے کالندی کنج کی جانب میجنٹا لائن پر میٹرو خدمات بحال

نوئیڈا کے بوٹنیکل گارڈن اور جسولا وِہار (شاہین باغ) کے درمیان دہلی میٹرو ٹرین کی خدمات پھر سے شروع ہو گئی ہیں۔ دہلی کے کالندی کنج میٹرو اسٹیشن کے پاس شاہین باغ کے فرنیچر مارکیٹ میں آج صبح زبردست آگ لگ گئی تھی۔ آگ کی لپٹیں میٹرو کے ستونوں تک پہنچ گئی تھیں جس کے بعد ٹرین خدمات کو کچھ گھنٹوں کے لیے بند کر دیا گیا تھا۔ آگ پر قابو پانے کے بعد اب اس لائن پر میٹرو خدمات شروع کر دی گئی ہیں۔

کالندی کنج میں آگ لگنے کے سبب میجنٹا لائن پر میٹرو سروس متاثر

نئی دہلی: دہلی کی لائف لائن میٹرو میجنٹا لائن پر جسولا وہار (شاہین باغ) اور كالندی کنج کے درمیان میٹرو سروس کو جمعہ کی صبح عارضی طور پر بند کر دیا گیا۔ كالندی کنج میٹرو اسٹیشن کے نزدیک فرنیچر مارکیٹ میں آگ لگنے کی وجہ سے میٹرو سروس کو بند دیا گیا۔ دہلی میٹرو نے اپنے ٹویٹ میں لکھا ’’میجنٹا لائن پر جسولا وہار شاہین باغ اور كالندی کنج کے درمیان میٹرو سروس کو عارضی طور پر کچھ وقت کے لئے بند کر دیا گیا۔ میٹرو اسٹیشن کے نزدیک آگ لگنے کی وجہ سے ایسا کیا گیا۔ تکلیف کے لیے ہم معذرت خواہ ہیں‘‘۔ جنک پوری مغرب، جسولا وہار اور شاہین باغ کے درمیان میٹرو تھوڑے تھوڑے وقفے پر چل رہی ہے۔ كالندی کنج اور بوٹینکل گارڈن کے درمیان میٹرو سروس عارضی طور پر بند ہے۔

ہماچل پردیش بس حادثہ میں مہلوکین کی تعداد 44 پہنچی

ہماچل پردیش میں جمعرات کو ہوئے بس حادثہ میں مرنے والوں کی تعداد بڑھ کر 44 ہو گئی ہے جبکہ اس واقعہ میں زخمی تقریباً 34 افراد کا علاج مختلف اسپتالوں میں ہو رہا ہے۔ حادثہ ہماچل پردیش واقع کلو کے بنجار علاقہ میں سرزد ہوا تھا۔ دراصل مسافروں سے بھری ایک بس 500 فیٹ گہری کھائی میں گر گئی تھی جس کے بعد مقامی لوگوں اور پھر سرکاری عملہ نے فوری طور پر راحت کاری کا کام شروع کیا اور زخمیوں کو قریبی اسپتال میں داخل کرایا۔ کانگریس صدر راہل گاندھی نے اس اندوہناک بس حادثہ پر اظہار غم کیا ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-