کٹھوا ریپ کیس میں کورٹ کے فیصلے کا پی ڈی پی سربراہ محبوبہ مفتی نے خیر مقدم کیا
ڈسٹرکٹ اینڈ سیشنز کورٹ پٹھان کوٹ کے ذریعہ سنائے گئے فیصلہ کا پی ڈی پی سربراہ محبوبہ مفتی نے خیر مقدم کیا۔
Welcome the judgement. High time we stop playing politics over a heinous crime where an 8 year old child was drugged, raped repeatedly & then bludgeoned to death. Hope loopholes in our judicial system are not exploited & culprits get exemplary punishment https://t.co/jBuRUdGa5h
— Mehbooba Mufti (@MehboobaMufti) June 10, 2019
کٹھوعہ عصمت دری و قتل کیس میں 7 ملزمین میں سے 6 کو سزا
ڈسٹرکٹ اینڈ سیشنز کورٹ پٹھان کوٹ نے آج کٹھوعہ میں ہوئے وحشیانہ عصمت دری و قتل کیس کا فیصلہ سنایا ہے۔ اس میں7 ملزمیں میں سے 6 کو سزا سنائی ہے۔
کٹھوعہ کیس کی ‘ان کیمرہ’ اور ‘روزانہ بنیادوں’ پر سماعت قریب ایک سال تک جاری رہنے کے بعد 25 مئی کو اختتام پذیر ہوئی تھی، ڈسٹرکٹ اینڈ سیشنز جج ڈاکٹر تجویندر سنگھ نے آج فیصل سنا دیا۔
یاد رہے چارج شیٹ کے مطابق گزشتہ سال 10 جنوری کو جموں و کشمیر کے کٹھوعہ میں اغوا کی گئی 8 سال کی بچی کو گاؤں کے ہی ایک مندر میں یرغمال بنا کر رکھا گیا تھا، معصوم بچی کی کچھ لوگوں نے عصمت دری کے بعد اس کا قتل کردیا تھا اور لاش جھاڑیوں میں پھینک دی تھی۔
Five persons convicted by Pathankot court in Kathua rape & murder case. More details awaited pic.twitter.com/SsH56EpaXZ
— ANI (@ANI) June 10, 2019
مشہور اداکار گریش كرناڈ کا انتقال
مشہور اداکار، ڈرامہ نگار اور گیان پيٹھ ایوارڈ سے سرفراز گریش كرناڈ کا آج صبح 81 سال کی عمر میں بنگلور میں انتقال ہو گیا، خبروں کے مطابق ان کے جسم کے کئی اعضاء نے کام کرنا بند کر دیا تھا، جس کی وجہ سے ان کا انتقال ہو گیا، وہ کافی دنوں سے بیمار چل رہے تھے، ان کے انتقال سے فلم اور ادب کی دنیا میں غم کی لہر ہے۔
ان کی پیدائش 19 مئی 1938 کو مہاراشٹر کے ماتھیران میں ہوا تھا، ان کو بچپن سے ہی ڈرامے میں دلچسپی تھی، کرنارڈ ایک معاصر مصنف تھے جنہوں نے کنڑ زبان اور ہندوستانی تھیٹر کے میدان میں بہت اہم کردار ادا کیا تھا۔ انہوں نے اپنی تعلیم تعلیم کرناٹک کے اترکنڑ اور دھارواڑ میں حاصل کی تھی ۔انہوں نے امریکہ کے شکاگو یونیورسٹی میں وزیٹنگ پروفیسر کے طور پر بھی کام کیا۔ انہوں نے اسکول کے وقت سے ہی تھیٹر میں کام کرنا شروع کر دیا تھا۔ گریش كرناڈ نے 1970 میں کنڑ فلم ’سنسکار‘ سے بطور اسکرپٹ رائٹر اپنے کیریئر کی شروعات کی تھی۔
ان کے مشہور ڈراموں میں ییاتی، تغلق، ہے ودن، انجو مالگے، اگنی نمتومالے، اور ناگ منڈل وغیرہ شامل ہیں۔ ان کا ’تغلق‘ ڈرامہ کا انگریزی سمیت مختلف زبانوں میں ترجمہ کیا گیا تھا۔
Girish Karnad, veteran actor and playwright, and Jnanpith awardee, passed away this morning. More details awaited pic.twitter.com/YiQT8kCEqD
— ANI (@ANI) June 10, 2019
چین میں کوئلے کی کان دھنسنے سے نو کانکنو ں کی موت، 10 زخمی
بیجنگ: چین میں صوبہ جیلن کے لونگجیاپو میں کوئلہ کی ایک کان دھنسنے کی وجہ سے نو کانکنوں کی موت ہو گئی اور 10 دیگر زخمی ہو گئے۔
خبر رساں ایجنسی ژنہوا نے مقامی حکام کے حوالے سے بتایا کہ اتوار کو مقامی وقت کے مطابق رات تقریباً آٹھ بجے زلزلے کے جھٹکے محسوس کئے گئے اسی دوران لونگجياپوکوئلے کی کا نکنی کی کمپنی میں یہ حادثہ پیش آیا ۔ ریکٹر سکیل پر زلزلے کی شدت 2.3 تھی ۔ حکام نے بتایا کہ زخمیوں کو فوری طور پر نزدیکی اسپتال پہنچایا گیا، جہاں ان کی حالت خطرے سے باہر ہے۔
حکام نے بتایا کہ ایمرجنسی خدمات سروس جاری ہے اور متعلقہ ٹیموں کو راحت اور بچاؤ کاروائیوں کے لئے بھیجا گیا ہے۔ اس حادثے کی بنیادی وجوہات کا پتہ لگانے کے لئے تحقیقات کی جارہی ہے۔
– Source بشکریہ قومی آواز بیورو—