اہم خبر: نہیں رہے بہار کے سابق وزیر اعلی جگن ناتھ مشرا، طویل عرصے سے تھے بیمار

نہیں رہے بہار کے سابق وزیر اعلی جگن ناتھ مشرا، طویل عرصے سے تھے بیمار

بہار کے سابق وزیر اعلی جگن ناتھ مشرا کا آج انتقال ہو گیا ہے، 82 سالہ مشرا تین بار بہار کے وزیر اعلی اور مرکزی وزیر رہے بھی رہے تھے، ڈاکٹر مشرا 1975 میں پہلی بار وزیر اعلی بنے تھے، دوسری بار انہیں 1980 میں کمان سونپی گئی اور آخری بار 1989 سے 1990 تک بہار کے وزیر اعلی کی ذمہ داری سنبھالی تھی۔

بہار کے سابق وزیر اعلی جگن ناتھ مشرا نے سیاست سے پہلے اپنے کیریئر کی شروعات لیکچرر کے طور پر کی تھی، بعد میں انہوں نے بہار یونیورسٹی میں معاشیات کے پروفیسر کے طور پر اپنی خدمات انجام دی۔

آخر ملک میں اس خوفناک کساد بازاری کا ذمہ دار کون ہے؟

کانگریس جنرل سکریٹری پرینکا گاندھی نے ملک میں ملازمتوں کے بحران پر بی جے پی حکومت پر حملہ بولا ہے، انہوں نے کہا، "حکومت کی خاموشی خطرناک ہے، کمپنیوں کا کام چوپٹ ہے، لوگوں کو کام سے نکالا جا رہا ہے، بی جے پی حکومت خاموش ہے۔ "انہوں نے مزید کہا کہ آخر ملک میں اس شدید مندی کا ذمہ دار کون ہے؟

یوگنڈا: تیل ٹینکر میں آگ لگنے سے 20 افراد ہلاک، کئی زخمی

کمپالا: یوگنڈا کے مغربی علاقہ میں ایک تیل ٹینکر میں آگ لگنے کی وجہ سے کم از کم 20 افراد کی موت ہوگئی اور کئی دیگر افراد زخمی ہوئے ہیں۔ مقامی میڈیا نے پیر کو یہ اطلاع دی۔

پولس کے مطابق کینیا سے کانگو جا رہے تیل ٹینکر میں یوگنڈا کے مغربی ضلع روبیرجی میں آگ لگ گئی۔ بتایا جا رہا ہے کہ تیل ٹینکر کے ڈرائیور نے گاڑی پر سے کنٹرول کھو دیا، جس کی وجہ سے وہ ایک گاڑی سے ٹکرا گیا اور اس میں آگ لگ گئی۔ ترکی کی اناڈولو نیوز ایجنسی نے ایک پولس افسر کے حوالے سے کہا ’’اس واقعہ میں کئی دکانیں، اسٹالوں، ایک مارکیٹ اور دو گاڑیاں جل کر راکھ ہوگئی ہیں‘‘۔ بیس افراد کی موت کی تصدیق ہوگئی ہے، جبکہ کئی افراد اب بھی ملبے میں دبے ہوئے ہیں۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-