اہم خبر: معیشت اور بے روزگاری پر راہل گاندھی کی مودی حکومت کو نصیحت

معیشت اور بے روزگاری پر راہل گاندھی کی مودی حکومت کو نصیحت

ملک کی بگڑتی معیشت اور بے روزگاری پر راہل گاندھی نے مودی حکومت کو نصیحت دی ہے، انہوں نے کہا کہ ’’ہندوستان کی طاقت چھوٹے اور درمیانے درجے کے کاروبار اور غیر رسمی علاقہ ہیں، اگر آپ ان کی حمایت کرتے ہیں اور ان چھوٹے اور درمیانے کاروبار کو ترجیح دیتے ہیں اور انہیں بڑے کاروباروں میں تبدیل کر دیتے ہیں تو آپ کو نوکریاں مل جائیں گی‘‘

کیلیفورنیا کے جنگلات میں خوفناک آتشزدگی، ایک لاکھ 80 ہزار افراد کو علاقہ خالی کرنے کی ہدایت

واشنگٹن: امریکی ریاست کیلیفورنیا کے جنگلات میں آگ بے قابو ہو نے کے بعد گورنر نے ایک لاکھ 80 ہزار افراد کو علاقہ خالی کرنے کی ہدایت جاری کی ہے۔ بعد ازاں ایمرجنسی نافذ کر دی گئی۔ امریکی ریاست کیلیفورنیا کے جنگلات میں خطرناک آتشزدگی، تیز ہواؤں کی وجہ سے پھیلتی آگ نے سینکڑوں گھروں کو لپیٹ میں لے لیا۔ ایک لاکھ 80 ہزار افراد کو گھر خالی کرنے کی ہدایت کر دی گئی۔ ڈور بیل کیمرے میں ریکارڈ کی گئی فوٹیج میں لوگوں کوگھر خالی کرتے دیکھا جا سکتا ہے۔ آگ کی وجہ سے لاکھوں افراد تک بجلی کی سپلائی منقطع ہوگئی ہے اور اب تک 30 ہزار ایکڑ کا رقبہ جل کر خاک ہو چکا ہے۔ کیلیفورنیا کے گورنر نے ریاست میں ایمر جنسی نافذ کر نے کا اعلان کیا ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-