ماں باپ نے غیرت کے نام پر بیٹی اور اس کے عاشق عامر کا کیا قتل، ہوئے گرفتار
ایٹہ: اترپردیش کے ضلع ایٹہ کے ملاون علاقے میں قتل غیرت کے ملزم جوڑے کو پولس نے اتوار کو گرفتار کرلیا جبکہ قتل میں ماخوذ چل رہے لڑکی کے ماما کی پولس کو تلاش ہے۔ پولس نے بتایا کہ گرفتار جوڑے نے بدنامی کے ڈر سے پہلے علی گڑھ میں بیٹی کے عاشق کو قتل کیا جبکہ بعد میں بیٹی کو بھی گولی مار دی اور اسے مردہ سمجھ کو فرار ہوگئے تھے۔ لیکن قسمت سے لڑکی زندہ تھی اور وہ علی گڑھ میڈیکل کالج میں موت زیست کی جنگ لڑ رہی ہے۔
انہوں نے بتایا کہ ضلع ایٹہ کے ملاون تھانہ باشندہ نور جہاں اور افروز نے اپنی بیٹی نشا کے پیار میں گرفتار عامر کو چھ جولائی کو علی گڑھ میں گولی مار کر قتل کردیا تھا جبکہ بعد میں 10 جولائی کو انہوں نے نشا کو بھی گولی مار دی تھی اور مردہ سمجھ کو فرار ہوگئے تھے۔ قتل غیرت کے اس معاملے میں پولس کو نشا کے ماما اسحاق کی بھی تلاش ہے۔
عامر کے قتل کے معاملے میں نشا چشم دید گواہ تھی اسی لئے اسے بھی قتل کرنے کی کوشش کی گئی۔ ایٹہ کے بارتھر گاؤں کی رہنے والی نشا اپنے ماں۔باپ کے ساتھ علی گڑھ میں رہتی تھی۔ وہیں اس کا عامر نامی نوجوان سے معاشقہ ہوگیا۔ وہ عامر سے شادی کرنا چاہتی تھی لیکن لڑکی کے والدین اسے اپنی عزت کا مسئلہ بنا کر عامر سے شادی کے لئے تیار نہیں تھے۔
اٹاوہ میں پانچویں جماعت کی طالبہ سے عصمت دری
اٹاوہ: اترپردیش کے ضلع اٹاوہ کے بسرہرا علاقے میں گھر سے باہر لگے ہیڈ پائپ سے پانی بھرنے گئی پانچویں جماعت کی طالبہ کے ساتھ عصمت دری کیے جانے کا معاملہ روشنی میں آیا ہے۔ نوجوان بچی کو زبردستی اپنے گھر لے گیا اور اس کے ساتھ منھ کالا کیا۔
پولیس نے اتوار کو بتایا کہ سات جولائی کو دس سالہ پانچویں جماعت میں زیر تعلیم بچی دوپہر میں گھر سے کچھ دوری پر لگے ہینڈ پمپ سے پانی لینے گئی تھی۔ تبھی گاؤں ہی کے رہنے والا ایک نوجوان بچی کو بہلا کر اپنے گھر لے گیا اور بچی کے منھ میں کپڑا ٹھونس کر اس کے ساتھ منھ کالا کیا۔ واپس آکر بچی نے پوری آپ بیتی اپنے والدہ سے کہہ سنائی۔ ماں نے والد کو پوری بات بتائی۔
متاثرہ کے والد نے تھانہ پہنچ کر پورے معاملے کی شکایت کی۔ تھانہ پولس نے معاملے کو سنجیدگی سے لیتے ہوئے گاؤں جاکر پورے معاملے کی چھان بین کی۔ چھان بین کے دوران پولس کو پتا چلا کہ ملزم واقعہ کے دن سے ہی فرار ہے۔ پولس نے بچی کا طبی معائنہ کرا کے اسے گھر واپس بھیج دیا۔ پولس کو ملزم نوجوان کی تلاش ہے۔
نیپال میں سیلاب سے تباہی، ہلاک شدگان کی تعداد 50 ہو گئی
نیپال میں بھاری بارش کے بعد آئے سیلاب اور لینڈ سلائڈنگ کی وجہ سے ہلاک ہونے والے افراد کی تعداد 50 ہو گئی ہے۔ دریں اثنا 25 لوگ شدید طور زخمی ہوئے ہیں جبکہ 33 لوگ لاپتہ ہیں جن کی تلاش کی جا رہی ہے۔
ہفتے کے روز نیپال کی وزارت داخلہ نے بتایا کہ مسلسل ہونے والی موسلادھار بارش کے نتیجے میں، سیلاب اور تودے گرنے کے باعث 21 اضلاع میں عام لوگوں کی زندگی بری برح متاثر ہوئی ہے۔ ٹیلی ویژن کے فوٹیج میں کاٹھمنڈو بچاؤ ٹیم سیلاب کی زد آنے والے گھروں سے لوگوں کو ربڑ کی کشتیاں کی طرف لے جاتی نظر آرہی ہیں۔
#UPDATE Nepal Police: Death toll rises to 50 due to flooding and landslide in the country, following incessant rainfall; 25 people injured, search for 33 missing underway https://t.co/IbOvYVmR56
— ANI (@ANI) July 14, 2019
جماعت اسلامی ہند کا اسلاموفوبیا کو ختم کرنے کا عہد
نئی دہلی: ملک میں موب لنچنگ اور فرقہ وارانہ کشیدگی کے روز افزوں واقعات کے درمیان جماعت اسلامی ہند نے کہا ہے کہ وہ اسلاموفوبیا (لوگوں کو اسلام سے خوف زدہ کرنا) کو ختم کرنے کے لئے زمینی سطح پر مکاملہ شروع کرے گی اور مذہب اسلام سے متعلق غلط فہمیوں کو بھی ختم کرے گی۔
جماعت اسلامی ہند کے صدر سید سعادت اللہ حسینی نے کہا، ’’ہم تمام مذاہب اور اقلیتی طبقہ کے لوگوں کے ساتھ غور و خوض کریں گے اور اسلام کے بارے میں غلط فہمیوں کو مٹاتے ہوئے اسلاموفوبیا کو ختم کرنے کے کئے مؤثر اور مذہبی رہنماؤں سے بھی بات چیت کریں گے۔‘‘
حسینی نے کہا کہ تنظیم ان افواہوں پر روک لگانے کی سمت میں کام کرے گی جو سماج میں کشیدگی اور بدامنی پیدا کرتی ہیں۔ واضح رہے کہ جماعت اسلامی ہند نے ہفتہ کے روز ایک روڈ میپ تیار کرنے کے لئے پریس کانفرنس منعقد کی تھی۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-