لیبیا: فضائی حملے میں سات مراکشی باشندوں کی موت
رباط: لیبیا کی راجدھانی طرابلس کے مشرقی علاقہ تاجورہ میں واقع تارکین وطن کے سینٹر پر فضائی حملے میں سات مراکشی باشندوں کی موت ہوگئی۔ مراکش کی وزارت خارجہ کی طرف ہفتہ کے روز جاری بیان میں بتایا گیا کہ تارکین وطن کے سینٹر میں کل 18 مراکشی شہری تھے، جو فضائی حملے کی زد میں آئے ہیں۔ حملے میں آٹھ افراد زخمی بھی ہوئے ہیں اور تین دیگر کے لاپتہ ہونے کی اطلاع ہے۔
بیان میں مزید کہا گیا ہے کہ حکومت مراکش مہلوکین کی لاشوں کو واپس لانے اور زخمیوں کو بحفاظت باہر نکالنے کے لئے لیبیا کے حکام کے ساتھ مل کر کام کر رہی ہے۔ واضح رہے کہ منگل کی دیر رات کو طرابلس کے مشرقی علاقے تاجورہ میں واقع تارکین وطن کے مرکز پر فضائی حملے میں کم سے کم 53 لوگوں کی موت ہوئی تھی اور 130 دیگر افراد زخمی ہوگئے تھے۔
اہم خبر: سپنا چودھری بی جے پی میں شامل
نئی دہلی: ہریانہ کی مشہور رقاصہ اور گلوکارہ سپنا چودھری بھارتیہ جنتا پارٹی (بی جے پی) میں باضابطہ طور پر شامل ہو گئیں۔ بی جے پی کی ملک بھر میں چلائی جا رہی رکنیت مہم کے تحت یہاں منعقد ایک تقریب میں سپنا چودھری پارٹی کے سینئر لیڈروں کی موجودگی میں بی جے پی میں شامل ہوئیں ۔
اس موقع پر بی جے پی نائب صدر اور مدھیہ پردیش کے سابق وزیر اعلی شیوراج سنگھ چوہان، تنظیم کے جنرل سیکریٹری رام لال، بی جے پی کے دہلی انچارج شیام جاجو،مرکزی وزیر ہرش وردھن اور دہلی بی جے پی صدر سمیت دیگر سینئر لیڈر اور بڑی تعداد میں کارکن موجود تھے۔ سپنا چودھری نے اس با ر کے عام انتخابات میں دہلی بی جے پی صدر منوج تیواری کے حق میں انتخابی تشہربھی کی تھی ۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-