اہم خبر: سبھی سیاسی پارٹیاں جموں و کشمیر کے تحفظ کے لیے ایک ساتھ آئیں… محبوبہ مفتی

by

سبھی سیاسی پارٹیاں جموں و کشمیر کے تحفظ کے لیے ایک ساتھ آئیں: محبوبہ مفتی

پی ڈی پی کی سربراہ محبوبہ مفتی نے جموں و کشمیر کی صورت حال پر فکر کا اظہار کیا ہے۔ انھوں نے سبھی سیاسی پارٹیوں کے لیڈران کو ایک ساتھ کھڑے ہونے کی اپیل کی ہے تاکہ مرکزی حکومت کو یہ پیغام دیا جا سکے کہ جموں و کشمیر کے ساتھ کھلونے کی طرح نہیں کھیلا جا سکتا۔ انھوں نے ساتھ ہی یہ بھی کہا کہ اس وقت جو کچھ جموں و کشمیر میں ہو رہا ہے اور مرکزی حکومت کوئی واضح اسٹیٹمنٹ نہیں دے رہی ہے، اس سے لوگوں میں خوف کا ماحول ہے۔


اناؤ واقعہ: سی بی آئی کی ٹیم عصمت دری متاثرہ کے وکیل کے گھر پہنچی

اناؤ عصمت دری اور اس کے بعد ہائے سڑک حادثہ کی جانچ کر رہی سی بی آئی کی ایک ٹیم اناؤ عصمت دری کی شکار لڑکی کے وکیل کے گھر پہنچ گئی ہے۔ وکیل سڑک حادثے کے وقت متاثرہ لڑکی کے ساتھ گاری میں موجود تھے اور اس وقت وہ لکھنؤ کے کے جی ایم یو اسپتال میں داخل ہیں۔


ہریانہ: ہسار سے 3 پاکستانی جاسوس گرفتار، پوچھ تاچھ جاری

ہریانہ کی ہسار پولس نے تین مشتبہ پاکستانی جاسوسوں کو گرفتار کر لیا ہے۔ یہ تینوں فوج سے جڑی اہم اور حساس جانکاری افشا کرنے کے معاملے میں دبوچا ہے۔ بتایا جا رہا ہے کہ تینوں مشتبہ افراد پر الزام ہے کہ وہ چھاؤنی کے اندر کی تصویروں کو کھینچ رہے تھے۔


کرناٹک: عیدالاضحیٰ پر سیکورٹی کا مطالبہ، یدی یورپا نے کہا ’ہم پوری سیکورٹی دیں گے‘

کرناٹک کے وزیر اعلیٰ بی ایس یدی یورپا نے کہا ہے کہ ’’مسلم اراکین اسمبلی نے عیدالاضحیٰ پر سیکورٹی کا مطالبہ کیا ہے۔ ہم پوری سیکورٹی دینے جا رہے ہیں۔‘‘ یدی یورپا نے مزید کہا کہ میں نے صبح متعلقہ پولس افسران کے ساتھ بات چیت کی۔ ہم سب کچھ کنٹرول کریں گے، کوئی مسئلہ نہیں ہے۔ مسلم طبقہ کے لوگ آزادی کے ساتھ عیدالاضحیٰ منا سکتے ہیں۔


بی جے پی کچھ بنا نہیں رہی، صرف دہائیوں کی محنت سے بنی چیزوں کو برباد کر رہی ہے: راہل

کانگریس رکن پارلیمنٹ راہل گاندھی نے آج ایک ٹوئٹ کر بی جے پی حکومت پر تعمیری کام نہ کرنے کا الزام عائد کیا ہے۔ انھوں نے لکھا ہے کہ بی جے پی کچھ بھی بنا نہیں سکتی۔ وہ صرف ان چیزوں کو برباد کر سکتی ہے جو دہائیوں کی محنت و مشقت کے بعد بنی ہے۔ راہل گاندھی نے اپنے ٹوئٹ کے ساتھ ایک جی آئی ایف فارمٹ کا ویڈیو بھی شیئر کیا ہے جس میں آٹو موبائل سیکٹر، بی ایس این ایل، ایم ٹی این ایل اور اس طرح کے اداروں کے مشکل حالات کی خبریں دی گئی ہیں۔


مہاراشٹر: ممبئی آج بھی بارش سے بے حال، اسکول و کالج میں چھٹی کا اعلان

ممبئی میں بارش کا قہر جاری ہے اور آج بھی انھیں پریشانی سے کسی طرح نجات ملتا ہوا نظر نہیں آ رہا۔ زبردست بارش کی وجہ سے ممبئی کے کئی علاقوں میں پانی جمع ہو گیا ہے۔ سڑکوں پر چاروں طرف پانی ہی پانی دکھائی دے رہا ہے۔ گلیوں میں بھی پانی کسی ندی کی طرح بہتا ہوا نظر آ رہا ہے۔ مشکل حالات کے پیش نظر پالگھر کے کلکٹر کیلاش شندے نے آج اسکول و کالج میں چھٹی کا اعلان کر دیا ہے۔


این ایم سی کو لے کر ملک بھر میں ڈاکٹروں کی ہڑتال جاری

نیشنل میڈیکل کمیشن بل (این ایم سی) پارلیمنٹ سے پاس ہو جانے کے بعد ملک بھر میں ڈاکٹروں کی ہڑتال جاری ہے۔ دہلی کے ریزیڈنٹ ڈاکٹر ایسو سی ایشن اینڈ اسٹوڈنٹس یونین نے کہا کہ ہم این ایم سی بل کی کچھ نکات کے خلاف چل رہی غیر معینہ مدت کی ہڑتال جاری رکھنے کے اپنے فیصلے پر قائم ہیں۔


اناؤ عصمت دری: بی جے پی کے سابق رکن اسمبلی سینگر کے سبھی اسلحوں کا لائسنس رَد

اناؤ عصمت دری معاملہ ن ے بی جے پی کے سابق رکن اسمبلی کلدیپ سنگھ سینگر کو اب بری طرح مشکل میں ڈالتا ہوا محسوس ہو رہا ہے۔ جہاں پہلے انتظامیہ اور بی جے پی کلدیپ سنگھ سینگر کو بچاتی ہوئی نظر آ رہی تھی، سڑک حادثہ کے بعد ہنگامہ اور احتجاج کے بعد سینگر پر کارروائی کے لیے مجبور ہوئی۔ تازہ ترین خبروں کے مطابق کلدیپ سنگھ سینگر کے سبھی اسلحوں کا لائسنس رَد کرنے کا حکم جاری ہو گیا ہے۔ یہ حکم ضلع مجسٹریٹ نے جاری کیا ہے۔


یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-

اپنی رائے یہاں لکھیں

Discover more from ورق تازہ

Subscribe now to keep reading and get access to the full archive.

Continue reading