اہم خبر: دہلی واقع فیکٹری میں لگی زبردست آگ، فائر بریگیڈ کی 35 گاڑیاں موقع پر

دہلی: پیراگڑھی کی ایک فیکٹری میں لگی زبردست آگ، فائر بریگیڈ کی 35 گاڑیاں موقع پر

دہلی واقع پیراگڑھی علاقہ میں ایک فیکٹری میں زبردست آگ لگنے کی خبریں موصول ہو رہی ہیں۔ اس آگ پر قابو پانے کے لیے موقع پر 35 فائر بریگیڈ کی گاڑیاں پہنچ گئی ہیں۔ خبریں اس طرح کی بھی ہیں کہ آگ بجھانے کی کوشش میں فیکٹری میں اچانک ایک دھماکہ ہوا اور پھر عمارت کا ایک حصہ بھی گر گیا۔ اس کی زد میں فائر بریگیڈ کے کئی ملازمین بھی آ گئے ہیں۔

الہ آباد یونیورسٹی کے وائس چانسلر نے دیا استعفی

کئی طرح کی بے ضابطگیوں کے الزامات کا سامنا کر رہے الہ آباد یونیورسٹی کے وائس چانسلر رتن لال ینگلو نے اپنے عہدہ سے استعفی دے دیا ہے۔ بتایا جاتا ہے کہ ان پر لگے الزامات کی وجہ سے وہ 2016 سے نگرانی میں تھے۔ علاوہ ازیں ابھی بہت زیادہ دن نہیں ہوئے ہیں جب قومی خواتین کمیشن نے انھیں کچھ شکایتوں کی وجہ سے طلب کیا تھا۔ خبروں کے مطابق یونیورسٹی میں ہونے والے جنسی استحصال کی شکایتوں کو وہ اچھی طرح نہیں نمٹانے تھے اور طالبات کی شکایتوں کے ازالہ کی طرف بھی توجہ نہیں دیتے تھے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-