اہم خبر: حیرت انگیز، 74 سالہ خاتون نے جڑواں بچوں کو دیا جنم

by

74 سالہ خاتون نے جڑواں بچوں کو دیا جنم

آندھرا پردیش کی ایک 74 سالہ خاتون نے جڑواں بچوں کو جنم دیا ہے اور قابل ذکر بات یہ ہے کہ یہ پیدائش آئی وی ایف سسٹم سے ہوئی ہے۔ خاتون کا نام ایرامتی منگیما ہے۔ میڈیا ذرائع کے مطابق پیدا ہونے والی دونوں بچی تندرست ہے اور ماں اس وقت آئی سی یو میں ہے۔ اہلیہ اسپتال، جہاں بچوں کی ولادت ہوئی ہے، کے ڈاکٹر ڈاکٹر اوما شنکر نے میڈیا کو بتایا کہ اس پیدائش میں آئی وی ایف طریقہ کا استعمال کیا گیا اور کسی ڈونر سے بیضہ لے کر اسپرم خاتون کے شوہر کا استعمال کیا گیا۔


اعظم خان کے ریسورٹ پر بجلی محکمہ کا چھاپہ، بجلی چوری کا ہوا انکشاف

اتر پردیش کے رام پور سے سماجوادی پارٹی کے رکن پارلیمنٹ اعظم خان پر لگاتار شکنجہ کستا جا رہا ہے۔ اعظم کے ہمسفر ریسورٹ پر بجلی محکمہ کے افسروں نے چھاپہ ماری کی ہے۔ اس دوران بجلی چوری پکڑی گئی۔ بجلی چوری کا انکشاف ہونے کے بعد بجلی محکمہ کے ملازمین نے وہاں کا بجلی کنکشن کاٹ دیا ہے۔

پاکستان نے سرحد کے قریب بھیجے تقریباً 2000 سیکورٹی اہلکار، ہندوستان کی ہر سرگرمی پر نظر

جموں و کشمیر ایشو کے پیش نظر ہندوستان پاکستان کی ہر چھوٹی سی چھوٹی حرکت پر نظر رکھے ہوئے ہے۔ تازہ خبروں کے مطابق پاکستان نے اپنے 2000 سیکورٹی اہلکاروں کو سرحد کے قریب بھیجا ہے اور ہندوستانی فوج ان کی سرگرمیوں پر نظر جمائے ہوئی ہے۔


دہلی: نریلا میں زیر تعمیر عمارت کی لفٹ 13ویں منزل سے اچانک گری، 14 مزدور زخمی

دہلی کے نریلا میں ایک زیر تعمیر عمارت میں اندوہناک حادثہ پیش آیا ہے۔ میڈیا ذرائع کے مطابق زیر تعمیر عمارت کی 13ویں منزل سے اچانک لفٹ نیچے کی طرف گری جس کی زد میں آنے سے کم از کم 14 مزدور زخمی ہو گئے ہیں۔ زخمی سبھی مزدوروں کو قریب کے اسپتال میں داخل کرایا گیا ہے۔ اس درمیان حادثہ سے ناراض لوگوں نے فلیٹوں میں کافی توڑ پھوڑ کی ہے۔ موقع پر پولس کی ٹیم پہنچ گئی ہے اور پورے معاملے کی تفتیش کر رہی ہے۔

سونیا گاندھی نے دہلی کے چار سابق پارٹی صدور سے کی ملاقات، سیاسی ہلچل تیز

دہلی کے سبھی چار سابق کانگریس صدور یعنی اروندر سنگھ لولی، اجے ماکن، جے پرکاش نارائن اور سبھاش چوپڑا کو پارٹی کی صدر سونیا گاندھی نے اپنی رہائش گاہ پر بلایا تھا۔ ان کے ساتھ سونیا گاندھی کی میٹنگ ہوئی ہے جس کے بعد سیاسی ہلچل بڑھ گئی ہے۔


دفعہ 370 سے متعلق عرضیوں پر سماعت کے لیے 16 ستمبر کی تاریخ مقرر

جموں و کشمیر سے دفعہ 370 ہٹائے جانے کے خلاف کئی عرضیاں سپریم کورٹ میں داخل کی گئی ہیں جس پر سماعت کے لیے عدالت عظمیٰ نے 16 ستمبر کا تاریخ مقرر کیا ہے۔


سپریم کورٹ سے پی چدمبرم کی عرضی خارج

سپریم کورٹ نے آئی این ایکس میڈیا کیس میں انفورسمنٹ ڈائریکٹوریٹ کے ذریعہ کی جا رہی جانچ کے معاملے میں پی چدمبرم کی پیشگی ضمانت عرضی خارج کر دی ہے۔ فی الحال چدمبرم آئی این ایکس میڈیا کیس میں ہی سی بی آئی کی حراست میں ہیں۔ سپریم کورٹ نے کہا کہ ’’شروعاتی مراحلہ میں پیشگی ضمانت عرضی دینا جانچ کو نقصان پہنچا سکتا ہے۔ یہ پیشگی ضمانت دینے کے لیے ایک مناسب معاملہ نہیں ہے۔ معاشی جرائم الگ الگ سطح پر ہیں اور اسے الگ نظریہ کے ساتھ نمٹایا جانا چاہیے۔‘‘


روزانہ مندی کی خبر اور اس پر بی جے پی خاموشی، دونوں خطرناک: پرینکا

کانگریس جنرل سکریٹری پرینکا گاندھی نے بی جے پی حکومت کو معاشی بحران کے مدنظر تنقید کا نشانہ بنایا ہے۔ پرینکا گاندھی ایک ٹوئٹ میں لکھا ہے کہ ہر دن مندی کی خبر اور ہر دن بی جے پی حکومت کی اس پر خاموش، دونوں ہی بہت خطرناک ہے۔ انھوں نے مزید لکھا کہ ’’اس حکومت کے پاس نہ حل ہے نہ ملک کے باشندوں کو بھروسہ دلانے کی طاقت۔ صرف بہانہ بازی، بیان بازی اور افواہیں پھیلانے سے کام نہیں چلے گا۔‘‘


جموں و کشمیر: سری نگر کے ضلع مجسٹریٹ نے مواصلاتی خدمات شروع کرنے کی دی جانکاری

میڈیا ذرائع کے مطابق دفعہ 370 ہٹائے جانے کے بعد جموں و کشمیر میں حالات دھیرے دھیرے معمول پر آ رہے ہیں۔ سری نگر کے ضلع مجسٹریٹ شاہد چودھری نے کہا ہے کہ بدھ کی شب سے ہی وادی میں زیادہ تر ٹیلی فون خدمات شروع کر دی گئی ہیں۔ انھوں نے کہا کہ وادی میں موبائل خدمات بھی دیرے دھیرے بحال کی جا رہی ہیں۔ شاہد چودھری کے مطابق کپواڑا کے کچھ علاقوں میں پہلے ہی ٹیلی فون خدمات بحال کر دیے گئے ہیں۔ ضلع مجسٹریٹ نے صبر سے کام لینے کے لیے عوام کا شکریہ ادا کیا ہے اور ساتھ ہی پیش آئے مسائل کے لیے معافی بھی مانگی۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-

اپنی رائے یہاں لکھیں

Discover more from ورق تازہ

Subscribe now to keep reading and get access to the full archive.

Continue reading