اہم خبر: این ڈی اے حکومت میں تانا شاہی کا ماحول… اپیندر کشواہا

این ڈی اے حکومت میں تانا شاہی کا ماحول… اپیندر کشواہا

پٹنہ: بہار میں مہاگٹھ بندھن کے حلیف راشٹریہ لوک سمتا پارٹی ( آر ایل ایس پی) کے صدر اور سابق مرکزی وزیر اپیندر کشواہا نے آج کہاکہ مرکز کی بھارتیہ جنتا پارٹی ( بی جے پی) کی قیادت والی قومی جمہوری اتحاد ( این ڈی اے) حکومت کی مدت کار میں حکومت مخالف آواز کو دبانے کی کوشش کی جارہی ہے اور اس کے لئے اپنائے گئے ہتھکنڈوں سے ملک میں تانا شاہی کا ماحول بنا ہوا ہے۔

اپیندر کشواہا نے راشٹریہ جنتادل (آرجے ڈی) مہا گٹھ بندھن کے سبھی حلیف جماعتوں کی موجودگی میں یہاں کانگریس صدر دفتر صداقت آشرم میں منعقدہ پریس کانفرنس میں کہا کہ ملک ابھی خطرناک دور سے گزر رہا ہے۔ جمہوریت کا گلا گھونٹ دیا گیا ہے اور عوام اور اپوزیشن کی آواز کو دبانے کے لئے ہر طرح کے ہتھکنڈہ اپنائے جا رہے ہیں جس سے ملک میں تانا شاہی کا ماحول بنا ہوا ہے۔

سابق مرکزی وزیر نے کہا کہ جو لوگ بی جے پی کے موافق میں باتیں نہیں کرتے ان پر کارروائی کی جارہی ہے۔ آئندہ بارہ اکتوبر کو عظیم سماجی لیڈر ڈاکٹر رام منوہر لوہیا کی برسی پر دارالحکومت پٹنہ کے باپو سبھا گار میں ایک پروگرام کا انعقاد کیا گیا ہے۔

آسام کے بعد اب ہریانہ میں بھی لاگو ہوگی این آر سی، سی ایم کھٹر نے کیا اعلان

ہریانہ کے وزیر اعلی منوہر لال کھٹر نے آسام کی طرح ہریانہ میں بھی NRC لاگو کرنے کا اعلان کیا ہے، بتا دیں کہ آسام میں گزشتہ دنوں جاری ہوئی NRC کی فائنل لسٹ میں 19 لاکھ سے زیادہ لوگوں کو باہر کیا گیا تھا۔

جمنا میں ڈوبنے سے 6 کی موت، 3 کی لاشیں برآمد

شاملی: اترپردیش کے ضلع شاملی کے کیرانہ علاقے میں اتوار کو جمنا میں’ہون اشیاء‘ وغیرہ کی وسرجن کے لئے کیرانہ گھاٹ گئے چار بچوں اور دو افراد کی ڈوبنے سے مو ت ہوگئی۔ پولس ترجمان نے بتایا کہ مکلپور گاؤں سے کچھ افراد اور بچے یمنا کے کیرانہ گھاٹ پر ’ہون اشیاء‘ وغیر ہ کا وسرجن کرنے گئے تھے۔ اس دوران ایک دوسرے کو بچانے کی کوشش میں چار بچوں اور دو افراد یمنا میں ڈوب گئے۔ غوطہ خوروں کی مدد سے تین کی لاش کو برآمد کرلیا گیا ہے۔ جبکہ دیگر کی تلاش کی جارہی ہے۔ انہوں نے بتایا کہ مہلوکین کی شناخت کشیپ(18)،انج(17)،روبن(23)،بھارت ولدتیز پرکاش(16) اور وید پرکاش کے دو بیٹے تیزا اور وشال کی حیثیت سے ہوئی ہے۔غوطہ خوروں کی مدد سے بھارت،انج اور وشال کی لاش کو نکال لیا گیا ہے جبکہ دیگر کی تلاش جاری ہے۔

یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-