اناؤ عصمت دری متاثرہ کی موت سے غمزدہ اکھلیش یادو اسمبلی کے باہر دھرنے پر بیٹھے
اتر پردیش میں خواتین کے خلاف ظلم میں لگاتار ہو رہا ہے اور سابق وزیر اعلیٰ اکھلیش یادو اس کے لیے ریاست کی یوگی حکومت کو ذمہ دار ٹھہراتے رہے ہیں۔ آج جب انھوں نے اناؤ عصمت دری متاثرہ کی موت کی خبر سنی تو وہ کافی غمزدہ ہوئے اور احتجاجاً ریاستی اسمبلی کے باہر دھرنے پر بیٹھ گئے۔ انھوں نے کہا کہ اناؤ کی بیٹی کے ساتھ جو کچھ ہوا وہ افسوسناک ہے اور قصورواروں کے خلاف سختی سے پیش نہ آنا ناقابل قبول ہے۔
حیدر آباد انکاؤنٹر: سپریم کورٹ میں عرضی داخل، پولس اہلکاروں کے خلاف جانچ کا مطالبہ
ایک طرف حیدر آباد انکاؤنٹر میں عصمت دری اور قتل واقعہ کے ملزمین کو ہلاک کیے جانے پر عوام جشن منا رہی ہے، وہیں دوسری طرف ایڈووکیٹ جی ایس منی اور پردیپ کمار یادو نے سپریم کورٹ میں اس پورے واقعہ کی جانچ کا مطالبہ کرتے ہوئے ایک عرضی داخل کی ہے۔ انھوں نے عرضی میں کہا ہے کہ اس معاملہ میں ایف آئی آر درج کی جانی چاہیے اور جانچ کے ساتھ ساتھ ان پولس اہلکاروں کے خلاف کارروائی ہونی چاہیے جو چاروں ملزمین کے انکاؤنٹر میں شریک تھے۔
Advocates GS Mani and Pradeep Kumar Yadav approached the Supreme Court saying the top court’s 2014 guidelines were not followed. #TelanganaEncounter https://t.co/HPTCmV2WKc
— ANI (@ANI) December 7, 2019
زندگی کی جنگ ہار چکی اناؤ عصمت دری متاثرہ کا پوسٹ مارٹم جاری
جمعہ کی دیر رات زندگی کی جنگ ہار چکی اناؤ عصمت دری متاثرہ کا اس وقت پوسٹ مارٹم جاری ہے۔ صفدر جنگ اسپتال کے میڈیکل سپرنٹنڈنٹ ڈاکٹر سنیل گپتا نے این اے آئی سے بات چیت کے دوران کہا کہ ڈاکٹر ایم کے واہی کی قیادت میں 10 بجے مقتولہ کا پوسٹ مارٹم ہوگا۔ ڈاکٹر واہی فورنسک یونٹ ڈپارٹمنٹ کے سربراہ ہیں۔
Dr Sunil Gupta, Medical Superintendent,Safdarjung Hospital to ANI: Post mortem(of Unnao rape victim) will take place at 10 am today under the leadership of Dr MK Wahi, Head of Department of Forensic unit
— ANI (@ANI) December 7, 2019
شاہ سلمان نے امریکہ کے ساتھ تعاون کی ہدایت دی
سعودی عرب کے شاہ سلمان بن عبدلعزیز السعود نے ملک کی سیکورٹی ایجنسیوں کو امریکہ کے فلوریڈا میں بحریہ کے اڈے پر فائرنگ کے واقعہ کی تحقیقات میں امریکی تفتیشی ایجنسیوں کے ساتھ تعاون کرنے کی ہدایت دی ہے۔ واشنگٹن میں واقع سعودی عرب کے سفارت خانے نے جمعہ کے روز ایک بیان جاری کر کے کہا ’’شاہ سلمان نے ملک کی سکیورٹی ایجنسیوں کو امریکہ کی متعلقہ ایجنسیوں کو معلومات فراہم کرنے کی ہدایت دی ہے، جس سے اس خوفناک حملے کی تحقیقات میں مدد مل سکے‘‘۔ واضح رہے کہ سعودی عرب کے ایک ’ٹرینی پائلٹ‘ نے فلوریڈا میں واقع بحریہ کے اڈے پر خود کو گولی مارنے سے پہلے تین افراد کا فائرنگ کر قتل کر دیا تھا ۔ اس واقعہ میں کم از کم سات دیگر افراد زخمی ہوئے تھے ۔شاہ سلمان نے امریکہ کے صدر ڈونلڈ ٹرمپ سے بات کرتے ہوئے اس واقعہ پر افسوس کا اظہار کیا تھا اور تحقیقات میں مکمل تعاون کرنے کی یقین دہانی کرائی تھی۔
اناؤ عصمت دری متاثرہ صفدر جنگ میں ہار گئی زندگی کی جنگ
اناؤ عصمت دری متاثری جمعہ کی دیر شب دہلی کے صفدر جنگ اسپتال میں زندگی کی جنگ ہار گئی۔ ڈاکٹروں نے بتایا کہ متاثرہ 95 فیصد جل چکی تھی، اسے بچانے کی کوشش کی گئی لیکن دیر رات اسے دل کا دورہ پڑا جس کے بعد اس کی موت ہو گئی۔ متاثرہ کو جمعرات کی شب ائیر لفٹ کرا کر لکھنؤ سے دہلی لایا گیا تھا۔ اس کا علاج کرنے والے صفدر جنگ اسپتال کے برن اینڈ پلاسٹک سرجری ڈپارٹمنٹ کے ہیڈ ڈاکٹر شلبھ کمار نے بتایا کہ وہ 95 فیصد تک جلی حالت میں آئی تھی۔ انھوں نے بتایا کہ جمعہ شام سے ہی اس کی حالت خراب ہونی شروع ہو گئی تھی، لیکن ہماری کوششوں کے باوجود متاثرہ کو بچایا نہیں جا سکا۔ رات تقریباً 11.10 بجے اسے دل کا دورہ پڑا اور تقریباً 11.40 بجے اس نے دم توڑ دیا۔
متاثرہ کی موت کی خبر ملنے کے بعد مہیلا کانگریس کا رد عمل سامنے آیا ہے۔ اس نے اپنے ٹوئٹر ہینڈل پر لکھا ہے کہ ’’اتر پردیش حکومت سو گئی، ہندوستان کی ایک اور بیٹی نے دم توڑ دیا۔‘‘
As the UP govt goes to sleep another of 'India's daughter' succumbs to a system that failed to protect her#Unnao rape victim who was set ablaze in Unnao and airlifted to Safdarjung Hospital yesterday, died at 11:40 pm.
RIP you brave girl. You fought hard.
— All India Mahila Congress (@MahilaCongress) December 6, 2019
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-