آئی آئی ٹی دہلی کیمپس میں ایک خاندان کے 3 ارکان کی لاشیں برآمد
نئی دہلی: آئی آئی ٹی کیمپس کے اندر واقع ایک فلیٹ میں ایک ہی خاندان کے تین ارکان کے مبینہ طور پر خود کشی کر لینے کا واقعہ رونما ہوا ہے۔ پولس نے ہفتہ کے روز یہ اطلاع دی۔ سینئر لیباریٹری اسسٹنٹ گلشن داس، ان کی اہلیہ اور ان کی ماں کامتا کی لاشیں جمعہ کی دیر رات سرکاری کوارٹر کے اندر الگ الگ کمروں میں لٹکتی ملیں۔ پولس نے بتایا کہ جائے وقوعہ پر کوئی سوسائڈ نوٹ برآمد نہیں ہوا ہے۔
پولس کے مطابق جمعہ کی دیر رات گئے فلیٹ کے اندر ہاتھاپائی ہونے کی اطلاع موصول ہوئی تھی۔ فلیٹ پر پولس کے پہنچے کے بعد انہیں دروازہ اندر سے بند ملا۔ اس کے بعد جب پولس والے اندر داخل ہوئے تو انہوں نے لاشوں کو لٹکتا پایا۔ پولس نے شبہ ظاہر کیا ہے کہ یہ اجتماعی خودکشی کا معاملہ ہے۔ لاشوں کو پوسٹ مارٹم کے لئے بھیج دیا گیا ہے۔
بہار: نالندہ میں 70 سالہ بزرگ سادھو کا پیٹ پیٹ کر قتل
راج گیر: بہار میں نالندہ ضلع کے سلاو تھانہ علاقہ کے ایک مندر میں بزرگ سادھو کو پیٹ پیٹ کر قتل کردیا گیا۔ پولس ذرائع نے آج یہاں بتایا کہ کرینا گاوں کے شیو مندر میں 70 سالہ سادھو امیش داس کو کل دیر رات بے رحمی سے پیٹ پیٹ کر قتل کردیا گیا۔ واقعہ کی اطلاع ملتے ہی گاؤں والوں نے قاتل رجنیش عرف چھوٹو کو پکڑ لیا اور جم کر پٹائی کرنے کے بعد پولس کو سونپ دیا۔ امیش داس گزشتہ ڈیڑھ برس سے اس مندر میں پوجا پاٹھ کررہے تھے۔
ذرائع نے بتایا کہ امیش داس سے پہلے رام پریت شرن اس مندر میں پجاری تھے۔ دو تین دن پہلے رجنیش نے رام پریت شرن کے ساتھ مار پیٹ کی تھی جس میں پجاری امیش داس نے بیچ بچاو کیا تھا۔ اسی سے ناراض رجنیش نے سادھو کو پیٹ پیٹ کر بے رحمی سے قتل کردیا۔ پولس نے موقع پر قتل میں استعمال کیا گیا گدا برآمد کر کے قاتل رجنیش کو گرفتار کرلیا ہے۔ قاتل کی صرف چار دن پہلے ہی شادی ہوئی تھی۔ ملزم نے قبول کیا ہے کہ اس نے ہی پجاری کو قتل کیا ہے۔ لاش پوسٹ مارٹم کے لئے بہار شریف صدر اسپتال بھیج دی گئی ہے۔
جموں و کشمیر میں 10 ہزار اضافی فوج بھیجنا حکومت ہند کا غلط فیصلہ: محبوبہ مفتی
جموں و کشمیر میں اضافی 10 ہزار فوجی بھیجے جانے کے قدم کو ریاست کی سابق وزیر اعلیٰ محبوبہ مفتی نے غلط ٹھہرایا ہے۔ محبوبہ مفتی کا کہنا ہے کہ اس قدم سے ریاست کے شہریوں میں ایک خوف پیدا ہو رہا ہے۔ انھوں نے کہا کہ جموں و کشمیر مسئلہ ایک سیاسی مسئلہ ہے جس کا حل فوج کے ذریعہ تلاش نہیں کیا جا سکتا۔ اس لیے ضروری ہے کہ حکومت ہند اس سلسلے میں دوبارہ غور کرے۔
Former J&K CM,M Mufti tweets,'Centre’s decision to deploy addnl 10,000 troops in Valley has created fear psychosis in ppl.There's no dearth of security forces in Kashmir.J&K is a political problem which won’t be solved by military means.GOI needs to rethink&overhaul its policy' pic.twitter.com/n2u3uerJt7
— ANI (@ANI) July 27, 2019
محمد شامی کو ویزا دینے سے امریکہ نے کیا انکار، بی سی سی آئی کی مداخلت سے سلجھا معاملہ
ہندوستانی کرکٹر محمد شامی کی ذاتی پریشانیاں کم ہونے کا نام نہیں لے رہی ہیں۔ شامی پر چل رہے پولس کیس کے سبب اب امریکہ نے انھیں ویزا دینے سے انکار کر دیا۔ آخر میں بی سی سی آئی نے مداخلت کی جس کے بعد معاملہ سلجھ سکا۔
BCCI writes to US Embassy over Shami's visa rejection
Read @ANI Story | https://t.co/Fi5KDSdvHR pic.twitter.com/MVS8EGOeF8
— ANI Digital (@ani_digital) July 27, 2019
دہلی: 16 سالہ بچے کی موب لنچنگ، 6 افراد گرفتار
دہلی میں 16 سالہ بچے کی چوری کے شک میں کچھ لوگوں نے موب لنچنگ کر دی۔ اس واقعہ کی خبر پھیلنے کے بعد پولس نے 6 لوگوں کو گرفتار کر لیا ہے۔ میڈیا ذرائع کے مطابق آدرش نگر کے لال باغ علاقہ میں یہ واقعہ پیش آیا جہاں ایک گھر میں نابالغ لڑکا گھسا اور لوگوں نے اس کی اس قدر پٹائی کی کہ اس نے دم توڑ دیا۔ بتایا جاتا ہے کہ یہ معاملہ جمعہ کی صبح کا ہے۔ پولس نے غیر ارادتاً قتل کی دفعہ میں مقدمہ درج کر 6 ملزمین کو گرفتار کیا ہے۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-