لکھنؤ میں تشدد، یوگی حکومت سے ہائی کورٹ کا جواب طلب
لکھنؤ: الہ آباد ہائی کورٹ کی لکھنؤ بنچ نے گذشتہ جمعرات کو راجدھانی لکھنؤ میں ہوئے تشدد اور توڑ پھوڑ کے معاملے میں ریاستی حکومت سے دو ہفتوں میں جواب طلب کیا ہے۔ جسٹس پنکج جیسوال اور جسٹس جسپریت سنگھ کی بنچ نے مفاد عامہ کی ایک عرضی پر سماعت کرتے ہوئے یہ حکم دیا۔ عرضی میں تشدد کرنے والوں کے خلاف سخت کاروائی کا مطالبہ کیا گیا ہے۔ عرضی میں یہ بھی مطالبہ کیا گیا ہے کہ جن املاک کا نقصان ہوا ہے اس کی تلافی تشدد پھیلانے والوں سے کی جائے۔
مفاد عامہ کی عرضی پر ریاستی حکومت کے اڈیشنل اڈوکیٹ جنرل وے کے شاہی نے کہا کہ وزیر اعلی یوگی آدتیہ ناتھ نے بذات خود پورے معاملے میں سخت کاروائی کی ہدایت دئے ہیں اور یہ بھی کہا کہ تشدد میں ہوئے نقصان کی تلافی انہیں افراد سے کی جائےگی جو اس میں ملوث تھے۔
اس ضمن میں عدالت نے ریاستی حکومت سے مختصر حلف نامہ داخل کر کے اپنی بات کہنے کی ہدایت دی ہے۔عدالت نے سنیچر کو لکھنؤ کے ڈسٹرکٹ مجسٹریٹ کو تشدد میں ہوئے نقصانات کا تخمینہ لگانے کی بھی ہدایت دی ہے۔اس معاملے کی اگلی سماعت دوہفتے کے بعد ہوگی۔
حکومت ضد چھوڑ کر سی اے اے واپس لے: مایاوتی
لکھنؤ: بہوجن سماج پارٹی (بی ایس پی) نے شہریت ترمیمی قانون کے خلاف ملک گیر پیمانے پر ہو رہے احتجاج کے بعد مرکزی حکومت سے اس متنازع قانون کو واپس لینے کا مطالبہ کیا ہے۔
بی ایس پی سپریمو نے سنیچر کو اس ضمن میں کئے گئے اپنے ٹوئٹ میں لکھا ہے کہ ’’اب تو نئے شہریت ترمیمی قانون کی مخالفت میں مرکزی حکومت کے این ڈی اے میں بھی مخالفت کی آواز اٹھنے لگی ہے۔ لہذا بی ایس پی کا مطالبہ ہے کہ اپنی ضد کو چھوڑ کر ان فیصلوں کو واپس لے۔ ساتھ ہی احتجاجی مظاہرہ کرنے والے افراد سے بھی اپیل ہے کہ وہ اپنا احتجاج پر امن طریقے سے ظاہر کریں۔‘‘
अब तो नए सीएए व एनआरसी के विरोध में केन्द्र सरकार के एनडीए में भी विरोध के स्वर उठने लगे हैं। अतः बीएसपी की मांग है कि वे अपनी ज़िद को छोड़कर इन फैसलों को वापस ले। साथ ही, प्रदर्शनकारियों से भी अपील है कि वे अपना विरोध शान्तिपूर्ण ढंग से ही प्रकट करें।
— Mayawati (@Mayawati) December 21, 2019
لکھنؤ تشدد کے بعد 218 لوگ بھیجے گئے جیل، غازی آباد میں 3600 لوگوں پر مقدمہ درج
شہریت ترمیم قانون کے خلاف ملک بھر میں احتجاج جاری ہے، لکھنؤ میں ہوئے تشدد کے بعد 218 لوگوں کو گرفتار کر جیل بھیج دیا گیا ہے، گرفتار لوگوں کی شناخت مظاہرین اور بھیڑ کو اکسانے والوں کے طور پر کی گئی ہے، سنبھل میں دو مظاہرین کی موت کے بعد 35 نامزد لوگوں کے خلاف کیس درج کیا گیا ہے، جبکہ سینکڑوں نامعلوم افراد کے خلاف مقدمہ درج کیا گیا ہے، وہیں، غازی آباد میں پولیس نے ہنگامہ کرنے کے الزام میں 3600 لوگوں پر کیس درج کیا ہے۔
بہار: پٹنہ میں وکاس شیل انسان پارٹی کے کارکنوں کا مظاہرہ، پولیس بریکیڈ کو توڑا
بہار کے دارالحکومت پٹنہ میں شہریت ترمیم قانون کے خلاف وکاس شیل انسان پارٹی کے کارکنان مظاہرہ کر رہے ہیں، کارکنان پولیس بریکیڈ کو توڑا دیا ہے۔
Bihar: VIP (Vikassheel Insaan Party) party workers break barricades during demonstration in Patna against the #CitizenshipAmendmentAct. pic.twitter.com/dZjHsKIRXb
— ANI (@ANI) December 21, 2019
شہریت ترمیم قانون: دریا گنج تشدد معاملے میں پولیس نے 10 افراد کو کیا گرفتار
دہلی کے دریا گنج میں جمعہ کو شہریت ترمیم قانون کے خلاف ہوئے تشدد کے معاملے میں پولیس نے 10 افراد کو گرفتار کیا ہے، جمعہ کو ہوئےمظاہرہ کے دوران پولیس اور مظاہرین کے درمیان جھڑپ ہوئی تھی، اس دوران کئی گاڑیوں کو آگ کے حوالے کر دیا گیا تھا
Delhi Police: 10 persons have been arrested in connection with violence in Daryaganj yesterday during protest over #CitizenshipAct. pic.twitter.com/5QCUbtJNdX
— ANI (@ANI) December 21, 2019
اتر پردیش میں شہریت قانون کے خلاف پرتشدد احتجاج میں اب تک 11 افراد ہلاک
ملک بھر میں شہریت ترمیم قانون کے خلاف مظاہرہ جاری ہے، اتر پردیش میں سب سے زیادہ برا حال ہے۔ یوپی کے میرٹھ سمیت 12 سے زیادہ شہروں میں مظاہرے کے دوران تشدد ہوا تھا، تشدد میں اب تک 11 لوگوں کی جان جا چکی ہے۔
دہلی میٹرو نے تمام اسٹیشنوں پر سروس بحال کی
نئی دہلی: دہلی میٹرو ریل کارپوریشن نے ہفتہ کو کہا کہ قومی راجدھانی دہلی کے تمام میٹروا سٹیشن پر سروس بحال ہو چکی ہے۔ دہلی میٹرو نے ٹوئٹ کرکے کہا ’’سیکورٹی کے ساتھ تمام اسٹیشنوں پر داخلی اور خارجی دروازے کھول دیئے گئے ہیں۔ تمام اسٹیشنوں پر دوبارہ خدمات شروع ہو گئی ہیں‘‘۔ قابل ذکر ہے کہ جمعہ کی صبح سیکورٹی کے پیش نظر میٹرو نے پہلے جامعہ ملیہ اسلامیہ، جسولہ وہار، شاہین باغ اور شام بعد تک بہت سے میٹرو اسٹیشنوں کو بند کر دیا گیا تھا۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-