اَہم خبر: کیلیفورنیا میں کشتی ڈوبنے سے 25 افراد ہلاک، 9 لاپتہ

by

کیلیفورنیا میں کشتی ڈوبنے سے 25 افراد ہلاک، 9 لاپتہ

لاس اینجلس: امریکہ میں ریاست کیلی فورنیا کے سانتا کروز جزائر کے قریب ایک کشتی میں آگ لگنے سے 25افراد کی موت ہوگئی۔
مقامی میڈیا نے امریکی کوسٹ گارڈ فورس کے حوالہ سے منگل کو بتایا کہ راحت عملہ کو کم سے کم 25 لاشیں ملی ہیں۔ ’كنسیپشن‘ نامی اس اسکوبا ڈائیونگ کشتی کے ڈوبنے کے بعد پانچ افراد کو زندہ نکال لیا گیا جبکہ 9 اب بھی لاپتہ بتائے جارہے ہیں۔

کے ایف ایس این چینل نے بتایا کہ مذکورہ کشتی میں 39 افراد سوار تھے۔ کشتی نے اپنا سفر ہفتہ کو چینل جزائر سے شروع کیا تھی اور اس کومنگل کو سانتا باربرا پہنچنا تھا۔ کوسٹ گارڈ نے بتایا کہ ہندوستانی وقت کے مطابق پیرکی شام تقریباً 1545 بجے (مقامی وقت کے مطابق صبح تقریباً 0315 بجے) ایک کشتی کے ڈوبنے کی اطلاع ملی۔ ڈوبنے سے پہلے کشتی میں آگ لگ گئی تھی۔ آگ لگنے کی وجوہات کا ابھی تک پتہ نہیں چل سکا ہے۔تفتیشی حکام نے آتشزدگی کی جانچ شروع کر دی ہے۔

چدمبرم کی سی بی آئی حراست کی مدت 5 ستمبر تک بڑھائی گئی

آئی این ایکس میڈیا کیس میں پی چدمبرم اب 5 ستمبر تک سی بی آئی کی حراست میں رہیں گے۔ سپریم کورٹ نے یہ حکم صادر کیا ہے۔ حالانکہ سماعت کے دوران سی بی آئی نے کہا کہ اسے اب چدمبرم کی حراست کی ضرورت نہیں ہے، عدالت چدمبرم کو عدالتی حراست میں بھیج سکتا ہے۔


نوئیڈا سیکٹر-61 کے میٹرو اسٹیشن پر ایک شخص نے کی خود کشی

نوئیڈا: قومی دارالحکومت سے متصل نوئیڈا سیکٹر-61 میٹرو اسٹیشن پر منگل کو ایک شخص نے میٹرو ریل کے آگے کود کر مبینہ طور پر خود کشی کر لی۔ پولس کے مطابق متوفی کا نام منوج کمار ہے۔ وہ سیکٹر 44 کا رہنے والا ہے اور سیکورٹی گارڈ کی نوکری کرتا تھا۔ اطلاع ملنے پر پولس موقع پر پہنچ گئی ہے اور آگے کی کارروائی کر رہی ہے۔

(یو این آئی)

بہار: آر جے ڈی نے بینر کے ذریعہ نتیش کمار پر کیا حملہ

بہار میں اسمبلی انتخاب کافی قریب ہے اور اب یہاں سیاسی پارٹیوں نے اپنی طرف سے الیکشن کی تیاریاں بھی شروع کر دی ہیں۔ ایک بینر جنتا دل یو کی طرف سے کچھ دنوں سے وائرل ہو رہا تھا جس میں لکھا تھا ’’کیوں کریں وِچار، ٹھیک تو ہے نتیش کمار‘‘۔ اب آر جے ڈی نے اس پر حملہ کرتے ہوئے بینر پر لکھا ہے ’’کیوں نہ کریں وِچار، بہار جو ہے بیمار‘‘۔


پرینکا گاندھی نے آٹو سیکٹر کی بدحالی کو لے کر پھر کیا مودی حکومت پر حملہ

کانگریس کی جنرل سکریٹری پرینکا گاندھی نے آٹو سیکٹر کی بدحالی کی خبروں کے درمیان ایک بار پھر مودی حکومت کو تنقید کا نشانہ بنایا ہے۔ انھوں نے ٹوئٹ کرتے ہوئے لکھا ہے کہ ’’کسی جھوٹ کو سو بار کہنے سے جھوٹ سچ نہیں ہو جاتا۔ بی جے پی حکومت کو یہ اعتراف کرنا چاہیے کہ معیشت تاریخی بحران کی شکار ہے اور انھیں اس کا حل تلاش کرنے کی طرف بڑھنا چاہیے۔‘‘ پرینکا گاندھی نے ساتھ ہی یہ سوال بھی پوچھا ہے کہ ’’مندی کا حال سب کے سامنے ہے۔ حکومت کب تک ہیڈ لائن مینجمنٹ سے کام چلائے گی؟‘‘


مہاراشٹر: او این جی سی پلانٹ میں آگ لگنے سے 7 افراد ہلاک، کئی زخمی

مہاراشٹر کے نوی ممبئی واقع اورن علاقہ میں او این جی سی کے ایل پی جی پلانٹ میں زبردست آگ لگ گئی ہے۔ کچھ میڈیا ذرائع کے مطابق آگ میں جھلس کر 7 لوگوں کی دردناک موت ہو گئی ہے جب کہ 3 لوگوں کے جھلس جانے کی خبریں ہیں۔ زخمیوں کو قریب کے اسپتال میں داخل کرایا گیا ہے۔ پلانٹ میں موجود دوسرے ملازمین کو نکال لیا گیا ہے۔ تازہ ترین اطلاعات کے مطابق آگ پر قابو لیا گیا ہے۔



دہلی: سیلم پور میں چار منزلہ عمارت منہدم، 2 ہلاک 3 زخمی

مشرقی دہلی کے سیلم پور میں چار منزلہ عمارت منہدم ہو جانے سے دو لوگوں کی موت ہو گئی۔ حادثے میں کئی لوگوں کے زخمی ہونے کی خبریں بھی موصول ہو رہی ہیں۔ خبر رساں ایجنسی ’اے این آئی‘ کے مطابق کم از کم تین افراد اس حادثہ میں زخمی ہوئے ہیں۔ موقع بچاؤ اور راحت کاری کا کام جاری ہے۔ حادثہ میں کئی لوگ ملبے میں پھنس گئے تھے جن میں سے کچھ لوگوں کو محفوظ باہر نکال لیا گیا ہے۔ خبروں کے مطابق زخمیوں کو قریب کے اسپتال میں علاج کے لیے داخل کرایا گیا ہے۔


یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-

اپنی رائے یہاں لکھیں

Discover more from ورق تازہ

Subscribe now to keep reading and get access to the full archive.

Continue reading