اورنگ آباد، (مہاراشٹر) 13 جولائی (یو این آئی) اورنگ آباد کے بیڑ بائی پاس روڈ پر دت مندر کے سامنے 25 لاکھ روپے سے بھرے اے ٹی ایم کچھ نامعلوم لٹیرے ہفتہ کو صبح اکھاڑ لے گئے۔اے ٹی ایم ٹوٹنے کی آواز سن کر قریبی عمارت کے رہائشی بیدار ہوگئے اور عمارت سے نیچے آ گئے اس واقعے کی اطلاع فوری طور پر پولیس کو دی ۔ پولیس اے ٹی ایم کے قریب سی سی ٹی وی کے فوٹیج کو کھنگال رہی ہے۔ اے ٹی ایم میں 25 لاکھ روپے تھے۔ پولیس معاملے کی تحقیقات کر رہی ہے۔
