حیدرآباد، 18 مئی (یو این آئی) جنوب مغربی مانسون خلیج بنگال کے جنوب کے کچھ اور حصوں سمیت بنگال کی مشرقی وسطی خلیج بنگال کی طرف بڑھ رہا ہے اور پورے انڈمان اور نکوبار جزائر اور بحیرہ انڈمان کو پہنچ گیا ہے۔محکمہ موسمیات نے بدھ کو یہاں ایک بلیٹن میں کہا کہ جنوب مغربی مانسون کی شمالی حد فی الحال پانچ ڈگری شمال/80 ڈگری مشرق، آٹھ ڈگری شمال/85 ڈگری مشرق، 12.5 ڈگری شمال/90 ڈگری مشرق، 16.0 ڈگری شمال/94.5 ڈگری مشرق سے ہوکر گزررہا ہے۔
ہندوستانی محکمہ موسمیات (آئی ایم ڈی) نے اپنے بلیٹن میں کہا ہے کہ اگلے دو اور تین دنوں میں جنوبی اور وسطی خلیج بنگال کے کچھ مزید حصوں اور بحیرہ جنوبی عرب کے کچھ حصوں میں مانسون کی مزید پیش قدمی کے لیے حالات سازگار ہو رہے ہیں۔