ممبئی:18. فروری (ورق تازہ نیوز)روہی پوار نے اعلان کیا ہے کہ وہ کل صبح ساڑھے دس بجے ایک اہم انکشاف کریں گے۔ ان کا کہنا ہے کہ ایک حالیہ واقعے کی جانچ انتہائی سست رفتار اور محض رسمی انداز میں کی جا رہی ہے، جس پر سنجیدہ سوالات اٹھتے ہیں۔
روہت پوار نے واضح کیا کہ مذکورہ واقعے کو محض حادثہ قرار دینا قبل از وقت ہوگا، کیونکہ اس میں سازش (گھات پات) کے امکانات کو نظرانداز نہیں کیا جا سکتا۔ انہوں نے دعویٰ کیا کہ ان کے پاس اس معاملے سے متعلق متعدد شواہد موجود ہیں، جنہیں وہ کل عوام کے سامنے پیش کریں گے۔
انہوں نے حکومت کی جانب سے جاری تفتیش پر بھی سوالیہ نشان لگاتے ہوئے کہا کہ وی ایس آر نامی کمپنی اب بھی فعال ہے۔ بلیک باکس کی حفاظت کے حوالے سے بھی انہوں نے شکوک و شبہات ظاہر کیے اور الزام عائد کیا کہ اس معاملے پر سیاست کی جا رہی ہے۔ اس واقعے کی تحقیقات کے لیے قائم کی گئی ایس آئی ٹی (خصوصی تحقیقاتی ٹیم) کے غیر فعال ہونے کا بھی انہوں نے الزام لگایا۔
روہت پوار نے کہا کہ ایک غریب شخص کی موت کے باوجود تفتیش میں تیزی نہیں لائی جا رہی، جس سے سمیت ٹھاکرے کا یہ بیان کہ "انسانیت ختم ہو چکی ہے” درست محسوس ہوتا ہے۔ انہوں نے کہا کہ اس معاملے کی مزید اہم تفصیلات کل منظر عام پر لائی جائیں گی۔