اس مرتبہ عیدالاضحیٰ کے تہوار کو لے کر لوگوں میں کئی طرح کے اندیشے تھے، لیکن اتر پردیش میں یہ تہوار انتہائی تزک و احتشام کے ساتھ منایا گیا اور ہر جگہ امن و بھائی چارے کا ماحول دیکھنے کو ملا۔ تمام عیدگاہوں سے اماموں نے ملک میں امن و امان قائم رہنے کی دعا مانگی۔ کئی مقامات پر اس بار مسلمانوں سے حالات کو سمجھنے اور تعلیمی بیداری کے لیے کہا گیا۔ اس بار نماز کے بعد دعاوں میں کشمیری عوام کے تعلق سے بھی دعائیں کی گئیں اور وہاں پیدا ماحول میں کشیدگی کے خاتمہ کے لیے خصوصی دعائیں ہوئیں۔ اس بار مظفر نگر کی عیدگاہ میں کچھ مسلمان ملک کا ترنگا پرچم لے کر نماز ادا کرنے پہنچے تھے۔
یہ ایک سینڈیکیٹیڈ فیڈ ہے ادارہ نے اس میں کوئی ترمیم نہیں کی ہے. – Source بشکریہ قومی آواز بیورو—-