ریاض:اے ایف پی کے مطابق ریاض میں دھماکوں کی آوازیں سنی گئی ہیں۔سعودی دارالحکومت ریاض میں اے ایف پی کے نامہ نگاروں نے قطر اور بحرین میں امریکی اڈے پر حملوں کے بعد زور دار دھماکوں کی آوازیں سنیں۔
ریاض میں دو نامہ نگاروں نے بتایا کہ انھوں نے ایران پر امریکی اور اسرائیلی حملوں کے بعد متعدد دھماکوں کی آوازیں سنی ہیں۔
قبل ازیں قطر کی سرکاری خبر رساں ایجنسی نے ملک کی وزارت دفاع کا حوالہ دیتے ہوئے اعلان کیا تھا کہ ملک کو نشانہ بنانے والے تمام میزائلوں کو روک کر مار گرایا گیا۔
بحرین کی وزارت داخلہ نے ایکس پر انتباہات کی ایک سیریز میں اعلان کیا کہ ہنگامی سائرن بجائے گئے ہیں اور رہائشیوں سے پرسکون رہنے اور قریبی محفوظ مقام پر منتقل ہونے کی اپیل کی گئی ہے۔