ماہی گیر بھائیوں کے مفاد کے خلاف کچھ برداشت نہیں کیا جائے گا: سنیل تٹکرے
اس بات کو یقینی بنائیں گے کہ مستقبل کے منصوبوں میں 100 فیصد مقامی لوگ ہوں
علی باغ – مروڈ اسمبلی حلقہ میں راجپوری پنچایت سمیتی میں جلسہ عام کا انعقاد
مروڈ – راجپوری: ماہی گیر سیکڑوں سالوں سے روایتی ماہی گیری کا کاروبار کر رہے ہیں، ان کے مفاد کے خلاف کچھ بھی برداشت نہیں کیا جائے گا، یہ بات نیشنلسٹ کانگریس پارٹی کے ریاستی صدر اور رائے گڑھ لوک سبھا حلقہ کے امیدوار سنیل تٹکرے نے راجپوری میں منعقدہ جلسہ عام میں کہی۔
انہوں نے کہا کہ میرے ماہی گیر بھائیوں کے کاروبار کی حفاظت کے لیے جو کچھ بھی کرنے کی ضرورت ہے، ہم اسے کریں گے اور ہم اس کے لیے پرعزم ہیں۔ سیاحت کی بنیاد پر روزگار میں اضافہ ہوگا۔ ہم اس کے لیے جیٹی بنا رہے ہیں تاکہ سیاح بڑی تعداد میں یہاں مروڑ قلعہ کو دیکھنے آئیں۔ اسی طرح ہم ضروری سہولیات فراہم کرنے کے لیے آگے بڑھیں گے۔ تٹکرے نے کہا کہ اگر ماہی گیر بھائیوں کے ساتھ ناانصافی ہو رہی ہے اور معاوضے میں کوئی فرق ہے تو ہم اگلی میقات میں اسے 100 فیصد پورا کریں گے۔
سنیل تٹکرنے کہا کہ جیسے ہی سہولیات میسر ہوں گی اس علاقے کی تصویر مختلف ہوگی اور تبدیلی نظر آئے گی۔ اس تبدیلی کو مقامی لوگوں کو مثبت طریقے میں دیکھنے کی ضرورت ہے۔ بہت سارے پروجیکٹ آ رہے ہیں اور مستقبل میں بھی آئیں گے، ہماری کوشش ہوگی کہ آنے والے تمام پروجیکٹوں میں سے 100فیصد مقامی لوگوں کو شامل کیا جائے۔
تٹکرے نے کہا کہ مہایوتی کے ذریعہ ایک جدید ترین جیٹی کے لئے 1000 کروڑ روپے کا کام جاری ہے۔ ماہی گیری کا کاروبار محفوظ رہے گا۔ ریاستی حکومت کے ذریعے کولڈ اسٹوریج قائم کیا جائے گا۔ ماہی گیر علاقائی معیشت میں 1000 کروڑ روپے کا حصہ ڈالتے ہیں۔ ساگرمالا اسکیم کے تحت پی ایم نے پردھان منتری متسیہ یوجنا شروع کی ہے۔ اس اسکیم کے تحت بہت سے انفرادی فائدہ اٹھانے والوں کو براہ راست سبسڈی دینے کا منصوبہ ہے، میں آپ کی خدمت میں ہوں اور اس اسکیم کو راجپوری تک پہنچانے کا وعدہ کرتا ہوں۔
اس موقع پر ایم ایل اے مہندر دلوی نے لوگوں سے اپیل کی کہ اپوزیشن کے فریب اور الجھن کا شکار ہوئے بغیر سنیل تٹکرے کو ووٹ دیں۔ اس پروگرام میں امیدوار سنیل تٹکرے کے علاوہ ایم ایل اے مہیندر دلوی، بی جے پی لیڈر مہیش موہتے کے علاوہ بڑی تعداد میں نیشنلسٹ، شیو سینا، ایم این ایس اور بی جے پی کے عہدیدار اور کارکن اس عظیم الشان میٹنگ میں موجود تھے۔ سنیل تٹکرے کا استقبال کرتے ہوئے راجپوری گاؤں میں ایک شاندار موٹر سائیکل ریلی نکالی گئی۔
