وزیر چندرشیکھر باونکُلے اور رکنِ پارلیمان اشوک راؤ چوہان کی موجودگی میں شمولیتِ پارٹی
ناندیڑ:16۔ دسمبر ورق تازہ نیوز (آئندہ میونسپل کارپوریشن انتخابات کے پیش نظر بھارتیہ جنتا پارٹی نے زبردست تیاری شروع کر دی ہے۔ پارٹی میں ٹکٹ کے خواہشمندوں کی بڑی تعداد سامنے آ رہی ہے، اسی دوران بی جے پی نے کانگریس اور ایم این ایس کو بڑا سیاسی جھٹکا دیتے ہوئے ان کے کئی اہم رہنماؤں کو اپنی صف میں شامل کر لیا ہے۔
ناندیڑ کی سابق میئر جے شری نیلیش پاوڑے، سابق نائب میئر ستیش دیشمکھ ترودیکر اور ایم این ایس کے ونود پاوڑے نے آج بھارتیہ جنتا پارٹی میں شمولیت اختیار کی۔ یہ شمولیتی تقریب وزیرِ محصول چندرشیکھر باونکُلے اور سابق وزیرِ اعلیٰ و رکنِ پارلیمان اشوک راؤ چوہان کی موجودگی میں منعقد ہوئی۔
میونسپل کارپوریشن انتخابات کے پس منظر میں بی جے پی کی رابطہ کمیٹی کا اجلاس بھی منعقد کیا گیا، جس میں چندرشیکھر باونکُلے اور اشوک راؤ چوہان نے پارٹی عہدیداروں کو انتخابی کامیابی کا منتر دیا۔ دونوں رہنماؤں نے کہا کہ کسی بھی انتخاب کو آسان نہ سمجھتے ہوئے باریک بینی سے منصوبہ بندی کر کے کامیابی کی سمت قدم بڑھانا ضروری ہے۔ بھارتیہ جنتا پارٹی کی اصل طاقت شہر کے عام شہری ہیں، اور ان کے مسائل صرف بی جے پی کی ٹرپل انجن حکومت کے ذریعے ہی حل کیے جا سکتے ہیں—یہ اعتماد عوام کو دلانا وقت کی ضرورت ہے۔
انہوں نے مزید کہا کہ ٹکٹ کی تقسیم میں جیتنے کی صلاحیت کو اہم معیار بنایا جائے گا۔ ایک نشست کے لیے کئی امیدوار ہوں گے، ایسے میں جسے موقع ملے گا، اس کے ساتھ ساتھ دیگر خواہشمندوں کو پارٹی میں مختلف ذمہ داریاں دے کر ان کا بھی مناسب احترام کیا جائے گا۔
اجلاس کے اختتام پر سابق میئر جے شری تائی نیلیش پاوڑے، سابق نائب میئر ستیش دیشمکھ ترودیکر، ایم این ایس رہنما ونود پاوڑے، ایڈووکیٹ نیلیش پاوڑے اور ان کے متعدد حامیوں نے سابق وزیرِ اعلیٰ و رکنِ پارلیمان اشوک راؤ چوہان کی قیادت پر اعتماد ظاہر کرتے ہوئے بھارتیہ جنتا پارٹی میں شمولیت اختیار کی۔ اس شمولیت سے شہر میں بی جے پی کی سیاسی طاقت میں مزید اضافہ ہوا ہے۔
اس موقع پر سابق وزیر ڈی۔ پی۔ ساونت، علاقائی تنظیمی وزیر سنجے کاؤڈگے، بی جے پی شہر صدر و سابق رکنِ اسمبلی امرناتھ راجورکر، سابق رکنِ اسمبلی کیلاش گورانٹھیال، ضلع صدر ایڈووکیٹ کشور دیشمکھ اور ڈاکٹر سنتوک ہمبرڈے، سابق شہر صدر پروین سالے، چیتنیا باپو دیشمکھ، ملند دیشمکھ، بالو کھومنے، ترجمان سنتوش پانڈاگلے، وجے گمبھیرے، سنتوش مُلے، ونایک ساگر، رام راؤ کیندرې، کیلاش ساوتے، سکھارام تپّیکر اور کویتا مُلے سمیت دیگر معزز شخصیات موجود تھیں۔
پروگرام کی نظامت بی جے پی کے شہر جنرل سیکریٹری شیتل کھانڈیل نے کی۔