ناندیڑ19؍ستمبر:( ورق تازہ نیوز):ضلع ناندیڑ کے بھوکر تعلقہ کے پانڈورنا گاؤں کے مشرق اور مغرب کی سمت جمعہ کی شام تقریباً چھ بجے زیرِ زمین پُراسرار آوازیں سنائی دینے کی اطلاع مقامی لوگوں نے انتظامیہ کو دی۔ اس کے بعد جب قومی زلزلہ سائنس مرکز کی ویب سائٹ پر جانچ کی گئی تو اس آواز یا جھٹکے کی کوئی بھی سائنسی نوٹ بندی سامنے نہیں آئی
مزید باریک بینی سے تحقیق کے لیے سوا می رامانند تیرتھ مراٹھواڑہ یونیورسٹی کے ارتھ سائنس شعبہ کے پروفیسر ڈاکٹر ٹی۔ وجے کمار سے بھی رائے لینے کو کہا گیا ہے۔ضلع کلکٹر راہول کرڈیلے نے عوام سے اپیل کی ہے کہ وہ گھبرائیں نہیں بلکہ احتیاط برتیں۔
انہوں نے بتایا کہ جن گھروں کی چھتیں ٹین یا پترے کی ہیں، ان پر بڑے بڑے پتھر رکھنے کے بجائے پترے کو بولٹ سے اچھی طرح فِٹ کیا جائے۔ اگر دوبارہ ایسی آواز سنائی دے تو فوراً گھروں سے باہر کھلے میدان میں جمع ہوں اور انتظامیہ کو235077(02462) پر اطلاع دیں۔ ساتھ ہی عوام سے کہا گیا ہے کہ کسی بھی قسم کی افواہوں پر کان نہ دھریں