ناندیڑ:20جون ( ورق تازہ نیوز)ایئرپورٹ پولیس نے سرکاری نوکری دلانے کے لیے کئی لوگوں کو 16لاکھ 30ہزار روپے کا جھانسہ دینے والے تین افراد کے خلاف مقدمہ درج کیا ہے۔ ان میں سے ایک کو پولیس نے گرفتار کر لیا ہے۔ گرفتار ملزم کو عدالت نے دو روزہ جسمانی ریمانڈ پر جیل بھیج دیا ہے۔
شنکر وینکٹ راو پوار کی طرف سے درج کرائی گئی شکایت کے مطابق 2 جنوری 2022 سے 19 جون 2024 تک بالاجی گووند راو¿ شندے، مسز سادھنا کرپا سنگھ شاہ اور اویناش تلسی رام راٹھوڑ نے اسے اور بہت سے دوسرے لوگوں کو اس کے گھر پر سرکاری نوکری دلانے کا لالچ دیا۔ اس لالچ میں آکر شنکر پوار اور بہت سے دوسرے لوگوں نے ان تینوں کے نام فون پر اور نقد رقم کے ذریعے 16 لاکھ 30 ہزار روپے ادا کئے۔
شنکر پوار اور دیگر نے شکایت درج کرائی جب انہیں یقین ہو گیا کہ ان کے ساتھ دھوکہ ہوا ہے۔ ایئرپورٹ پولیس نے مقدمہ نمبر 192/2024 کے تحت یہ مقدمہ درج کیا۔ اس جرم کی تفتیش سب انسپکٹر آف پولیس ونود سائیں کو سونپی گئی۔ ونود سائیں نے بالاجی اویناش شنڈے کو گرفتار کر لیا۔ کل 19 جون کو عدالت نے بالاجی شندے کو دو دن کی پولیس حراست میں بھیج دیا۔ اس معاملے میں دیگر ملزمان کی تلاش جاری ہے۔