ناندیڑ: ناندیڑ دیہی پولیس نے غیر قانونی طور پر اسلحہ لے کر گھومنے والے ایک نوجوان کے خلاف کارروائی کرتے ہوئے اسے گرفتار کر لیا اور اس کے قبضے سے لوہے کا خنجر ضبط کر لیا ہے۔
پولیس سے موصولہ اطلاعات کے مطابق یکم مارچ 2026 کو موصول ہونے والی خفیہ اطلاع کی بنیاد پر پولیس ٹیم نے چنداسنگھ کارنر، مہندرا شوروم کے سامنے ناندیڑ میں کارروائی کی۔ اس دوران ایک مشتبہ شخص کو حراست میں لے کر اس کی تلاشی لی گئی، جس کے قبضے سے تقریباً 17 انچ لمبا لوہے کا خنجر برآمد ہوا۔ ضبط شدہ خنجر کی قیمت تقریباً 200 روپے بتائی گئی ہے۔
گرفتار ملزم کی شناخت ساگر سنیل پَوَلے (23 سال)، پیشہ مزدوری، ساکن بالیرام پور، ناندیڑ کے طور پر ہوئی ہے۔ پولیس نے اس کے خلاف ناندیڑ دیہی پولیس اسٹیشن میں اسلحہ ایکٹ کی دفعہ 4/25 کے تحت مقدمہ درج کر لیا ہے۔
یہ کارروائی سپرنٹنڈنٹ آف پولیس ناندیڑ اویناش کمار، ایڈیشنل سپرنٹنڈنٹ آف پولیس ارچنا پاٹل (بھوکر)، ایڈیشنل سپرنٹنڈنٹ آف پولیس سورج گرو اور سب ڈویژنل پولیس آفیسر پرشانت شندے کی رہنمائی میں انجام دی گئی۔
اس کارروائی میں پولیس انسپکٹر اومکانت چیچولکر، سنتوش جادھو، وشنو کلیانکر اور گوویندر سرملوار نے حصہ لیا۔ سپرنٹنڈنٹ آف پولیس اویناش کمار نے کامیاب کارروائی پر پولیس افسران اور اہلکاروں کی ستائش کرتے ہوئے انہیں مبارکباد دی ہے۔