ناندیڑ:16ڈسمبر(ورق تازہ نیوز)مالیگاوں روڈ پر ایس بی آئی بینک کے اے ٹی ایم کوپھوڑ کرچوروںنے 26لاکھ 30ہزار کی خطیررقم چوری کرلی ۔اس بات کا انکشاف کل دوپہر ہوا ۔تفصیل کے مطابق شہر کے بھاوسارچوک میں ایس بی آئی بینک ہے۔ہفتہ کی دوپہر دو بجے بینک ملازمین اس اے ٹی ایم میں رقم جمع گئے تھے اسکا شٹربندتھالیکن قفل نہیں تھا مگر شٹرنیچے گراہواتھا ۔جب ملازمین نے شٹراٹھاکر دیکھاتو اے ٹی ایم مشین توڑ ی ہوئی تھی ۔چوروںنے اے ٹی ایم کے عقب میں بڑا سراغ کیاتھا ۔ملازمین کا کہنا ہے کہ رات دیر گئے چوروں نے اے ٹی ایم کو نشانہ بنایا ۔یاد رہے کہ اسی اے ٹی ایم کو چند ماہ قبل چوروں نے توڑاتھا اور اس معاملے میں ملوث چوروں کو بلڈانہ سے گرفتارکیاگیاتھا لیکن چوروںنے پھر ایکباراسی اے ٹی ایم کونشانہ بناکر لاکھوںروپیوں کی رقم چوری کرلی ۔
پوسد۔ناندیڑ ریلوے لائن کام کا سال نو سے آغاز
ناندیڑ :16ڈسمبر(ورق تازہ نیوز)وردھا ۔ایوت محل۔ ناندیڑ ریلوے لائن کا کام ایوت محل ضلع کے پوسد سے ناندیڑ کی سمت میں سال نو سے شروع ہوگا۔اس ضمن میں ریلوے ترقیاتی بورڈ نے ایوت محل ضلع کلکٹر کو مکتوب روانہ کرتے ہوئے پوسد سے ناندیڑ کی سمت والی حصول زمین پر آئندہ سیزن میں تخم ریزی یا کسی طرح کاتعمیری کام نہ کرنے کی ہدایت دینے کی درخواست کی ہے ۔وردھا ۔ ایوت محل ۔ناندیڑ مرکزی وریاستی حکومت کامشترکہ پروجیکٹ ہے ۔ سال 2006ءمیں اس وقت کے وزیر ریلوے لالوپرساد یادو نے اس پروجیکٹ کو منظوری دی تھی اس وقت اسکی لاگت انداز دیڑھ ہزار کروڑ روپے تھی جو اب چار ہزارکروڑتک پہنچ گئی ہے ۔اس پروجیکٹ کےلئے ریاستی حکومت نے گزشتہ پانچ سالوں میں اپنے حصہ کی رقم وقت مقررہ پردی ہے ۔پروجیکٹ میںتیزی لانے کیلئے ریاستی و مرکزی حکومت کے اشتراک سے ریلوے ترقیاتی بورڈ کاقیام عمل میں آیاہے ۔اس ریلوے لائن پر وردھا ۔ ایوت محل ۔پوسد تک کام تکمیل کے قریب ہے اور سال نو سے پوسد ۔حدگاوں ۔ناندیڑ کے درمیان ریلوے لائن کا کام شروع کیاجارہا ہے ۔
20ڈسمبرکو دین دیال اپادھیائے روزگار میلے کا انعقاد
ناندیڑ:16ڈسمبر(ورق تازہ نیوز) ڈسٹرکٹ ہنر ڈویلپمنٹ ایمپلائمنٹ اینڈ انٹرپرینیورشپ گائیڈنس سینٹر برائے بے روزگار امیدواروں کے لئے کیلاش نگر ورکشاپ روڈ ناندیڑ میں 20 دسمبر ، 2019 بروز جمعہ صبح 10.30 بجے۔ پنڈت دندیال اپادھیائے روزگار میلہ کا انعقاد کیا گیا ہے۔ دھت ٹرانسمیشن پرائیوٹ لمیٹڈ اورنگ آباد ، فلیمنگو دواسازی لمیٹڈ کرشنور ، سمستھا مائیکرو فنانس لمیٹڈ بے روزگار امیدواروں کو روزگار کے مواقع فراہم کرنے کے لئے ، لال باگ بنگلور ، نیوکلیئر ٹیکنالوجیز ناندیڑنامی کمپنی کی جانب سے انٹرویو لئے جائیں گے۔ٹرینی آپریٹر ، کسٹمر ریلیشن آفیسر ، ڈی ٹی پی ٹرینر (ٹرینر) ، ٹلی ٹرینر (انسٹرکٹر) ، ڈیٹا انٹری آپریٹر ، کل 246 عہدے کے لئے کم سے کم تعلیمی قابلیت دسویں‘بارہویں‘کسی بھی فیکلٹی سے کامیابی ضروری ہے ۔ اس روزگار میلے کے وقت امیدوار خدمت رجسٹریشن رجسٹریشن کارڈ (اگر کوئی ہو تو) اور تعلیمی دستاویز کی مصدقہ کاپی اپنے ساتھ لائیں۔ اس طرح کی اطلاع اسسٹنٹ ڈائریکٹر ، ڈسٹرکٹ اسکیل ڈویلپمنٹ ، ایمپلائمنٹ اینڈ انٹرپرینیورشپ گائیڈنس سنٹر ، ناندیڑ نے دی ہے ۔
واڈیا فیکٹری ڈاکٹرلین میں اسپتالوں کوجرمانہ عائد
ناندیڑ:16ڈسمبر(ورق تازہ نیوز)آج 16 ڈسمبر کو میونسپل کارپوریشن کے زونل دفتر نمبر۳ شیواجی نگر حدود کے زون نمبر 8کے تحت واڈیافیکٹری ڈاکٹرلین کے چند اسپتالوں کامعائنہ کیا اس دوران بائیو میڈیکل ویسٹ سوکھا اورکچا کچراایک جگہ بکھرا ہوا نظر آیا ۔ کیونکہ بائیومیڈیکل ویسٹ ‘سوکھااورکچرا علحدہ رکھنے کیلئے ڈسٹبن ضروری ہے ۔ لیکن اسپتال کاعملہ کوتاہی برت رہا ہے اسلئے رینگے اسپتال کو دس ہزار روپے ‘ کلمبر اسپتال کو پانچ ہزار ‘نیرامیہ چلڈرنس اسپتال کو پانچ ہزارروپے ‘آدھار اسپتال کو پانچ ہزارجرمانہ عائد کیاگیا ۔ مذکورہ کاروائی میونسپل کمشنر ناندیڑ کی ہدایت پر غلام صادق ‘اسسٹنٹ کمشنر(صفائی) کی رہنمائی میں زونل دفتر نمبر 3شیواجی نگر کے اسسٹنٹ کمشنر راجیش چوہان صفائی انسپکٹر کشن تارو ‘جیلانی پاشاہ ‘ایس پی گائیکواڑ وراجیش کرہاڑے ‘سنتوش پاوڑے ودیگر ملازمین نے کاروائی کی ۔