نئی دہلی، 6 جنوری (یواین آئی) شہریت ترمیمی قانون (سي اےاے) کے خلاف بیان بازی کے سلسلہ میں مغربی بنگال کی وزیر اعلی ممتا بنرجی کو ہٹائے جانے سے متعلق عرضی سپریم کورٹ میں پیر کو دائر کی گئی۔
’وراكي‘ کی جانب سے دائر عرضی میں عدالت سے درخواست کی گئی ہے کہ محترمہ ممتا بنرجی کو ہٹانے کے لئے ریاست کے گورنر کو ہدایت دی جائے۔
درخواست گزار کی جانب سے کہا گیا ہے کہ آئین کے شیڈول تین کے تحت حلف میں کہا گیا ہے کہ وزیر اعلی ہندوستان کی خود مختاری اور سالمیت کے خلاف کوئی بیان نہیں دے سکتا۔
سي اےاے پر اقوام متحدہ کی نگرانی میں ریفرنڈم کا مطالبہ کرنے والی محترمہ بنرجی وزیر اعلی کے عہدہ پر کیسے بنی رہ سکتی ہیں؟ حلف کی خلاف ورزی کے بعد وہ اب عہدہ سنبھالنے کے قابل نہیں ہے۔
پٹیشن میں محترمہ بنرجی کے 19 دسمبر 2019 کے بیان کو بنیاد بنایا گیا ہے، جس میں انہوں نے کہا تھا کہ سي اےاے پر اقوام متحدہ کی نگرانی میں ریفرنڈم ہونا چاہئے۔