اسرائیلی وزیرِ اعظم بن یامن نتن یاہو کے قریبی ساتھی میں کووڈ 19 کی تشخیص کے بعد انھیں بھی قرنطینہ میں رکھنے کا فیصلہ کیا گیا ہے۔
اسرائیلی اخبار ہارتز کی رپورٹ کے مطابق وزیرِاعظم کے دیگر مشیروں کو بھی قرنطینہ میں رکھا جائے گا۔
پیر کو بنیامن نتن یاہو کی مشیر برائے پارلیمانی امور میں کورونا وائرس ٹیسٹ مثبت آیا تھا۔
وزیرِ اعظم ہاؤس کی جانب سے جاری کردہ اعلامیے میں کہا گیا ہے کہ یہ حفاظتی اقدام ہے اور یہ وزیرِ اعظم کا طبی معائنہ کرنے سے قبل ہی لے لیا گیا ہے۔