کشن گنج : بہار کے آمور اسمبلی حلقہ میں AIMIM کی گاڑیوں پر حملہ کیا گیا۔ اس معاملے میں ، اے آئی ایم آئی ایم کے اورنگ آباد رکن پارلیمنٹ امتیاز جلیل نے مہاگٹھ بندھن کے کانگریس امیدوار عبد الجلیل مستان پر الزام لگایا ہے۔
رکن پارلیمنٹ امتیاز جلیل نے بتایا کہ گذشتہ رات( 31 اکتوبر) عبدالجلیل مستان کے کہنے پر ان کے کارکنوں نے اے آئی ایم آئی ایم کی تین گاڑیوں میں توڑ پھوڑ کی۔ اس حملے میں AIMIM کے لگ بھگ 35 کارکن بھی زخمی ہوئے تھے۔ ممبئی ایم آئی ایم کے صدر فیاض احمد کی بھی کار پر حملہ کیا گیا لیکن وہ سب محفوظ ہیں۔ بتایا جارہا ہے کہ حملے میں لاٹھی ، پتھر اور لاٹھی استعمال ہوا۔
ایم آئی ایم کا کہنا کہ اس معاملے میں مقامی پولیس کی مدد نہیں ملی۔ لہذا ، اس معاملے پر اے آئی ایم آئی ایم کے سپریمو اسدالدین اویسی نے الیکشن کمیشن کو خط لکھا ہے۔ اسد الدین اویسی اور میں نے پورنیہ ایس پی سے بات کی ہے۔ امتیاز خلیل
انہوں نے کہا کہ دو دن سے آمور اسمبلی میں اے آئی ایم ایم کارکنان پر حملے ہورہے ہیں ، پہلا حملہ 30 اکتوبر کو جے ڈی یو امیدوار ساوا جعفر کے حامیوں نے کیا تھا۔ جسے ہم نے نظرانداز کیا۔ لیکن کل رات ہمارے 35 کارکنان کانگریس کے امیدوار عبد الجلیل مستان کے حامیوں کے حملے میں زخمی ہوئے۔
اے آئی ایم ایم کے رکن پارلیمنٹ امتیاز جلیل نے کہا کہ
کیا الیکشن کمیشن غنڈا راج پر بہار میں یہ انتخاب کرانا چاہتے ہیں اور الیکشن کمیشن کو اس کا دھیان رکھنا چاہئے۔ انہوں نے کہا کہ ہم نوجوانوں کو روزگار دینا چاہتے ہیں ، لیکن ان کا ارادہ ان کے ہاتھوں میں طمنچہ دینے کا ہے۔
