گلبرگہ: کرناٹک کے کلبرگی سے تعلق رکھنے والا کورونا وائرس کا مشتبہ مریض 76 سالہ شخص کا گزشتہ دنوں انتقال ہوگیا تھا ، لیکن آج اس شخص کو COVID-19 ہونے کی تصدیق ہوئی ہے ، کرناٹک کے وزیر برائے صحت بی سیرامولو نے موت کی تصدیق کرتے ہوئے ٹویٹ کیا کہ میڈیکل جانچ کے بات یہ بات ثابت ہوئی ہے کہ متعلقہ شخص کو COVID-19 وائرس ہی تھا.
یہ شخص کھانسی ، نزلہ اور سانس کی تکلیف میں مبتلا بدھ کے روز انتقال کر گیا تھا۔ اس کے نمونے اور خون لے کر اسے نیشنل انسٹی ٹیوٹ آف ویرولوجی ، بنگلور بھیج دیا گیا تھا۔ جہاں اس بات کی تصدیق ہوئی کہ اس کی موت COVID-19 وائرس کی وجہ سے ہوئی ہے.
The 76 year old man from Kalburgi who passed away & was a suspected #COVID19 patient has been Confirmed for #COVID19. The necessary contact tracing, isolation & other measures as per protocol are being carried out.
— B Sriramulu (@sriramulubjp) March 12, 2020
محکمہ صحت کے عہدیداروں نے دی کوئنٹ کو بتایا کہ لاش کو 10 مارچ کو ہی دفن کیا گیا تھا اور ایسا کرتے وقت پروٹوکول پر عمل کیا گیا تھا۔
وہ 28 فروری کو سعودی عرب سے کلبرگی پہنچے تھے۔ 5 مارچ کو COVID-19 کی علامات ظاہر کرنے پر انہیں گلبرگہ انسٹی ٹیوٹ آف میڈیکل سائنس (GIMS) کے الگ تھلگ وارڈ میں داخل کیا گیا.