ممبئی میں بی جے پی کے خلاف زبردست مظاہرہ
راجستھان کے سابق نائب وزیر اعلی جناب سچن پائلٹ نے ممبئی پردیش کانگریس کمیٹی کے دفتر میں پریس کانفرنس سے خطاب کیا۔اس موقع پر ریاستی کانگریس کے صدر ناناپٹولے، ممبئی کانگریس کے صدر بھائی جگتاپ، ریاستی کانگریس کے کارگزار صدر جناب عارف(نسیم) خان، ممبئی پردیش کانگریس کے کارگزار صدر چرن سنگھ سپرا موجود تھے۔پریس کانفرنس کے بعد منترالیہ کے سامنے مہاتماگاندھی کے مجسمے کے سامنے اترپردیش کے لکھیم پور کھیری میں کسانوں کے ساتھ ہونے والے دلدوز سانحے، آل انڈیا کانگریس کی جنرل سکریٹری پرینکاگاندھی کی گرفتاری، کسان مخالف قوانین، ایندھن کی قیمتوں میں اضافے، مہنگائی اور بیروزگاری کے خلاف سچن پائلٹ وناناپٹولے کی قیادت میں زبردست مظاہرہ کیا گیا۔ اس مظاہرے میں بھائی جگتاپ، نسیم خان، چرن سنگھ سپرا کے علاو ہ کانگریس کے دیگر عہدیداران وکارکنان بڑی تعداد میں موجود تھے۔
