پاکستان کے سابق وزیر اعظم نواز شریف کی اہلیہ بیگم کلثوم نواز شریف کا لندن میں علاج کے دوران انتقال ہو گیا۔ بتادیں کہ وہ کینسر سےمتاثر تھیں۔ کلثوم طویل وقت سے بیمار چل رہی تھیں ۔ اس سے پہے کلثوم کو لائف سپورٹ پر رکھا گیا تھا لیکن انکی حالت مسلسل خراب ہو رہی تھی۔ وہ لندن کے ہاتلے اسٹریٹ کلینک میں کئی ماہ سے بھرتی تھیں۔ تین بار سے زیادہ پاکستان کی خاتون اول رہیں کلثوم گزشتہ سال اگست میں لنمفوما کے پہلے اسٹیج پر تھیں۔ کینسر کا پتہ لگنے کے بعد ان کی 5 بار کیمیو تھیریپی کی گئی اور کئی سرجری کی گئی۔ لنمفوما کینسر کا خطرناک اسٹیج ہے۔
۔ "جیونیوز” نے بتایا کہ پیر رات کو کلثوم کی طبعیت خراب ہو گئی۔ ان کے پھیپھڑوں میں پریشانی ہوگئی تھی۔ کلثوم کے شوہر اور سابق وزیراعظم نواز شریف اور ان کی بیٹی مریم نواز راولپنڈی کی اڈیالہ جیل میں بند ہیں۔ گزشتہ سال جب سپریم کورٹ نے نواز شریف کو نااہل قرار دے دیا تھا تب کلثوم نے ضمنی الیکشن میں ان کی سیٹ جیت لی تھی، لیکن بیماری کے سبب انہیں برطانیہ جانا پڑا تھا اور ایسے میں وہ حلف نہیں لے سکی تھیں۔
کلثوم نواز شریف 1950 میں لاہور کے ایک کشمیری خاندان میں پیدا ہوئی تھیں۔ انہوں نے 1970 میں پنجاب یونیورسٹی سے ماسٹرس کی ڈگری لی تھی۔ 1971 میں نواز شریف سے ان کی شادی ہوئی تھی۔