بنگلورو: الیکشن کمیشن نے ہفتہ کے دن کہا کہ اس نے کرناٹک میں منعقد شدنی اسمبلی الیکشن میں 80 سال سے اوپر کی عمر کے لوگوں اور جسمانی معذورین کے لئے گھر سے ووٹ دینے (ووٹ فرم ہوم/ وی ایف ایچ) کی سہولت متعارف کرائی ہے۔
بنگلورو میں میڈیا سے بات چیت میں چیف الیکشن کمشنر راجیو کمار نے کہا کہ پہلی مرتبہ الیکشن کمیشن 80 سال سے اوپر کی عمر کے لوگوں کو یہ سہولت فراہم کررہا ہے۔
ہماری ٹیمیں فارم 12D کے ساتھ ان لوگوں کے گھر جائیں گی۔ رازداری برتی جائے گی اور سارے عمل کی ویڈیو گرافی ہوگی۔ تمام سیاسی جماعتوں کو اس عمل کی جانکاری دی جائے گی۔جسمانی معذورین کے لئے موبائل ایپ سکشم متعارف کرایا جارہا ہے جس کے ذریعہ وہ لاگنگ کرکے ووٹ دینے کا آپشن چن سکتے ہیں۔