8/نومبر کوسال کا چاند گہن ٗلوگ اپنی آنکھوں سے دیکھ سکیں گے

948

حیدرآباد: سال 2022 کا آخری گہن اور اس سال ہندوستان میں نظر آنے والا پہلا چاند گرہن 8 نومبر کو لوگ اپنی آنکھوں سے دیکھ سکیں گے۔ پلینٹری سوسائٹی آف انڈیا (پی ایس آئی) کے ڈائریکٹر این سری رگھونندن کمار نے ہفتہ کو یہاں جاری ایک بیان میں یہ جانکاری دی۔ انہوں نے کہا کہ یہ مکمل چاند گرہن ہے، حالانکہ یہ ملک کے بیشتر حصوں میں جزوی طور پر نظر آئے گا۔

انہوں نے کہا کہ دنیا بھر میں یہ گہن جنوبی امریکہ، شمالی امریکہ، آسٹریلیا، ایشیا، شمالی بحر اوقیانوس اور بحرالکاہل کا احاطہ کرنے والے خطے میں نظر آئے گا۔ سال 2022 میں چار چاند گہن ہو چکے ہیں یا ہونے والے ہیں، جن میں سے صرف دو (25 اکتوبر – سورج گرہن اور آٹھ نومبرچاند گرہن) ہندوستان میں نظر آچکے ہیں یا نظرآنے والے ہیں۔

ہندوستان میں نظر آنے والا آخری چاند گرہن 19 نومبر 2021 کو ہواتھا، جو 580 برسوں میں سب سے طویل جزوی چاند گہن تھا۔ پی ایس آئی کے ڈائریکٹر نے کہا کہ جیسا کہ ناسا نے نیو اورلینز سے ریکارڈ کیا گیاتھا، 19 نومبر 2021 کو جزوی چاند گہن کا دورانیہ 3 گھنٹے 28 منٹ اور 24 سیکنڈ تھا۔ ساتھ ہی، ہندوستان سے نظر آنے والا اگلا جزوی چاند گہن 28 اور 29 اکتوبر 2023 کی رات کو ہوگا۔