21 جماعتوں کا بائیکاٹ، نئی پارلیمنٹ کا پوجا پاٹ کیساتھ افتتاح
حزب اختلاف کے بائیکاٹ کے باوجود اور صدر جمہوریہ کی عدم موجودگی میں وزیر اعظم نریندر مودی نے دہلی میں پوجا پاٹ کیساتھ نئے پارلیمنٹ ہاؤس کا افتتاح کیا۔ تقریب کا آغاز پوجا سے کیا گیا اور اس پر مبصرین کا سوال ہے کہ پارلیمنٹ کی بلڈنگ کسی ایک مذہب خاص کی ہے یا تمام ہندوستانیوں کی ہے ، کیا عبادات میں تمام مذاہب کی نمائندگی کی گئی
مودی نے نوتعمیر پارلیمنٹ ہاؤس کا افتتاح کیا اور لوک سبھا میں سینگول نصب کیا
وزیر اعظم نریندر مودی نے لوک سبھا اسپیکر اوم برلا کے ہمراہ ملک کے نوتعمیر پارلیمنٹ ہاؤس کو آج یہاں قوم کے نام وقف کیا اور نئے لوک سبھا ہاؤس میں عقیدت کے ساتھ مقدس سینگول نصب کیانئی دہلی: وزیر اعظم نریندر مودی نے لوک سبھا اسپیکر اوم برلا کے ہمراہ ملک کے نوتعمیر پارلیمنٹ ہاؤس کو آج یہاں قوم کے نام وقف کیا اور نئے لوک سبھا ہاؤس میں عقیدت کے ساتھ مقدس سینگول نصب کیا۔https://twitter.com/ActivistSandeep/status/1662645538037309440?t=ZUYwrcXm0b-NFJhtI7gK1w&s=19وزیر اعظم مودی صبح تقریباً 7.30 بجے پارلیمنٹ ہاؤس کے احاطے میں پہنچے اور اوم برلا نے ان کا استقبال کیا۔ ریشم کی دھوتی، کُرتا اور گلابی جیکٹ پہنے مسرور نظر آنے والے مودی نے سب سے پہلے بابائے قوم مہاتما گاندھی کے مجسمے پر گلہائے عقیدت پیش کیے۔ اس کے بعد انہوں نے برلا کے ساتھ وہاں ہون اور مذہبی رسومات میں حصہ لیا۔
وزیر اعظم مودی نے اس کے بعد تمل ناڈو سے آئے ادینم سنتوں کے ذریعہ لائے گئے سینگول کو پرنام کیا اور پھر اسے پانچ ادینم سنتوں کے ہاتھوں سے عقیدت سے حاصل کیا اور ان کے مقام کا طواف کیا۔ اس کے بعد مودی نے ادینم سنتوں سے آشیرواد لیا اور پھر برلا اور ادینم سنتوں کے ساتھ وہ نئی لوک سبھا کے اندر گئے اور اسپیکر کی نشست کے پیچھے دائیں جانب شیشے کے کیس میں سینگول نصب کیا۔ اس کے بعد انہوں نے چراغ جلایا اور سینگول پر گلہائے عقیدت پیش کیے۔ اس موقع پر ادینم سنت بھی ایوان میں موجود تھے۔
اس کے بعد مودی اور برلا باہر آئے اور پھر نئی پارلیمنٹ کی افتتاحی تختی کی نقاب کشائی کر کے نئے پارلیمنٹ ہاؤس کا افتتاح کیا۔ اس کے بعد انہوں نے تعمیراتی مزدوروں سے ملاقات کی اور انہیں شال اور نشانات دے کر اعزاز سے نوازا۔ اس کے بعد بین المذاہب دعائیہ اجتماع میں شرکت کی، جس میں بدھ مت، جین، پارسی، سکھ، اسلام، ویدک وغیرہ جیسے مذاہب کے مذہبی رہنماؤں نے دعا کی۔ اس کے بعد مودی نے پروگرام میں موجود مہمانوں سے ملاقات کی اور بات چیت کی۔
